27 Феврал, 2025, 28 Шаъбон, 1446
27 Феврал, 2025, 28 Шаъбон, 1446
Жорий йил 23 декабрь куни Ҳадис илми мактаби томонидан амалга оширилаётган ишлар тўғрисида халқимизга янада кенгроқ ахборот бериш мақсадида Мактабда журналист ва блогерлар учун Пресс-тур ташкил қилинди.
Пресс-тур доирасида журналистлар дастлаб Имом Бухорий мақбарасини зиёрат қилишди. Шу ерда Муҳаддислар султони ҳаққига Қуръон тиловот қилинди. Шундан сўнг, иштирокчилар Имом Бухорий халқаро илмий-тадқиқот маркази фаолияти билан яқиндан танишдилар.
Марказ директори Ш.Зиёдов муассасанинг ташкил этилиши, мақсад ва вазифалари, халқаро ҳамкорлик ва илмий-тадқиқот йўналишида олиб борилаётган ишлар, эришилган ютуқлар хусусида сўзлаб берди.
Шундан сўнг журналист Ҳадис илми мактабига ташриф буюрди. Мактаб ректори О.Юсупов мактабнинг ташкил этилиш мақсадлари ва кутилаётган натижалар, мактабда талабаларнинг ўқишга қабул қилиш тизими, унда ўқитиладиган фанлар ва ўқув адабиётлари таркиби, мутахассислик бўйича ишлаб чиқилган ўқув режасини дунёнинг етакчи таълим муассасаларининг нуфузли уламолар томонидан эътироф этилганлиги ва ўқитишда қўлланиладиган замонавий методлар ҳақида сўзлаб берди.
Тадбир доирасида журналистлар Мактаб ўқитувчи ва талабалар учун қулай шарт-шароитлар сифатида бунёд этилган ёпиқ сув ҳавзаси, спорт зали, Ахборот-ресурс маркази, кафедралар, талабалар турар жойи билан яқиндан танишдилар.
Оммавий ахборот васиталари ходимларига Мактабда яратилганган шароитларни таништириш давомида Ахборот-ресурс маркази учун хориждан олиб келинган ўқув адабиётлари, ўқув жараёнларини электрон ахборот технологиялари орқали ташкил этиш, бошқариш ва мониторингини юритиш мақсадида ишлаб чиқилган электрон портал ҳақида ҳамда кафедра ўқитувчилар томонида ўқув-услубий, илмий тадқиқот йўналишларида амалга оширилаётган ишлар тўғрисида маълумот берилди.
Шунингдек, журналистлар дарс машғулотлари билан яқиндан танишиш мақсадида Миср Араб Республикасининг Ал-Азҳар университетидан жалб этилган Ҳадис илми фанлари доктори, профессор Маҳмуд Абдуллоҳ Абдурраҳмоннинг 2 курсдаги Ҳадис ва шарҳ фанидан бўлиб ўтаётган дарс жараёнига ташриф буюрдилар. Дарс машғулоти давомида журналистларга Мактабда фанларни ўқитишда қўлланилаётган ўқув методлари, ўқув жараёнларининг ўзига хос хусусиятлари ва талабалар томонидан қўлга киритилган ютуқлар ҳақида сўзлаб берилади.
Журналистлар ва ҳар икки илм маскани жамоаси иштирокида ўтказилган очиқ мулоқот давомида иштирокчиларни қизиқтирган саволларга мутахассислар томонидан жавоблар қайтарилди.
Ҳадис илми мактаби
Матбуот хизмати
Яқин кунларда муқаддас рамазон ойи кириб келади. Мурувват, аҳиллик ва ҳамжиҳатликни улуғловчи ушбу фазилатли ойда кам таъминланган, ижтимоий ҳимояга муҳтож кишиларни ҳар томонлама қўллаб-қувватлашга қаратилган тадбирлар янада кучайтирилади.
Ислом динида муҳтожларга ёрдам бериш, ногиронлиги бор инсонларга меҳр-мурувват кўрсатиш, мискин ва бечоралар ҳолидан хабар олиш хайрли амаллардан ҳисобланади.
Давлатимиз раҳбари ташаббуси билан ижтимоий ҳимояга муҳтожлар, ногиронлиги бўлган эҳтиёжманд оилаларга доимий ғамхўрлик кўрсатиб келинмоқда.
Моддий-маънавий ёрдамлар кўламини янада кўпайтириш мақсадида Ўзбекистон мусулмонлари идораси ҳузуридаги “Вақф” хайрия жамоат фонди бир қанча давлатларнинг мамлакатимиздаги элчихоналари, халқаро ташкилотлар ваколатхоналари билан ҳамкорлик қилиб келмоқда. Хусусан, араб давлатларида ўз ўрни ва мавқеига эга бўлган Саудия подшоҳлиги билан йўлга қўйилаётган алоқалар йилдан йилга янада ижобий тус оляпти. Бу ҳамкорлик натижасида Саудия томони, хусусан, Подшоҳ Салмон кўмак ва хайрия ишлари маркази икки йилдан буён айнан рамазон ойида Ўзбекистонга эҳтиёжманд аҳоли қатлами учун ҳурмо меваси ва бошқа озиқ-овқат маҳсулотлари ҳадя қилиб келяпти. Рамазон ойи муносабати билан яқинда ушбу марказ Ўзбекистонга кам таъминланган, эҳтиёжманд оилалар учун яна 6 750 дона озиқ-овқат маҳсулотларидан иборат қутилар ва ун маҳсулотларини хайрия қилиб, фонд томонидан амалга оширилаётган хайрли ишлар салмоғини янада оширди. Жорий йилнинг 24 февраль куни ушбу хайрия маҳсулотлари қабул қилиб олиниб, уларни ўз эгаларига топшириш маросими бўлиб ўтди.
Тадбирда Саудия Арабистонининг мамлакатимиздаги фавқулодда ва мухтор элчиси Юсуф ибн Солиҳ ал-Гаҳра ал-Утайбий, Подшоҳ Салмон кўмак ва хайрия ишлари марказининг Ўзбекистондаги координатори Носир ас-Субайъий, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, “Вақф” хайрия жамоат фонди раҳбари вазифасини бажарувчи Жаҳонгир Саламов, Ўзбекистон Президенти ҳузуридаги Ижтимоий ҳимоя миллий агентлиги Тошкент шаҳар бошқармаси вакиллари, ОАВ ходимлари ҳамда Тошкент шаҳрида истиқомат қилувчи эҳтиёжманд оилалар иштирок этди.
Таъкидлаш керакки, хайрия қилинган маҳсулотлар Республика бўйлаб тақсимланиб, Ижтимоий ҳимоя миллий агентлигининг жойлардаги бошқармалари ва фонд филиаллари орқали Рамазон ойи давомида эҳтиёжманд, кам таъминланган оилаларга, ўзгалар парваришига муҳтож ногиронлиги бор хонадонларга тарқатилади. Демак, бу ойда 6 750 та эҳтиёжманд оилага Рамазон туҳфалари кириб боради.
Ўзбекистон мусулмонлари идораси
"Вақф" хайрия жамоат фонди
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 