23 Феврал, 2025, 24 Шаъбон, 1446
23 Феврал, 2025, 24 Шаъбон, 1446
Шу кунларда Ўзбекистон мусулмонлари идорасининг Қорақалпоғистон Республикаси, вилоятлар ва Тошкент шаҳри вакилликларида имом-хатиблари иштирокида 2020 йилда қилинган ишлар, ютуқ ва камчиликларга бағишланган сарҳисоб тадбирлари бўлиб ўтмоқда.
Ана шундай тадбирлар Наманган, Фарғона, Бухоро, Тошкент вилояти, Сирдарё, Жиззах, Самарқанд вилоятларида бўлиб ўтди. Уларда Ўзбекистон мусулмонлари идораси раҳбар ва ходимлари, “Шамсуддинхон Бобохонов” нашриёт матбаа ижодий уйи вакиллари қатнашди.
Тадбирларда сўзга чиққанлар сўнги йилларда диний соҳада амалга оширилган ишлар, йўл қўйилган камчиликлар таҳлил қилинди, келгусидаги долзарб вазифаларга тўхталиб ўтишди. Жумладан, вилоят бош имом-хатибларининг йил якуни бўйича ҳисоботлари тингланди.
Очиқ мулоқот шаклида ўтаётган йиғилишларда диний-маърифий соҳа фаолиятини янада такомиллаштириш, масжидлар фаолиятини яхшилашда имом-хатиблар келгусида қилиши лозим бўлган ишлар кўриб чиқилиб, зарурий тавсиялар берилди.
Жумладан, имом-хатиблар фаолияти самарадорлигини ошириш, ёшлар билан ишлаш, интернет ва ижтимоий тармоқларда фаоллик кўрсатиш, Исломни аҳолига кенг етказишда фидоийлик билан хизмат қилиш каби қатор кўрсатма ва топшириқлар берилди. Пандемия сабаб юртимиздаги масжидлар фаолиятини вақтинча тўхтатгани, бу даврда имом-хатиблар хайрия ишларига урғу беришди. Ҳозирда Республикамиздаги барча масжидларда намозхонларимиз карантин қоидаларига риоя қилган ҳолда ибодатларини адо этаётгани таъкидланди. Сўнги йиллар янги масжидлар қуриш ва мавжудларини таъмирлаш йиллари бўлаётганини қайд этишди. Имом-хатиблар билдирган таклифлар қўллаб-қувватланди.
Тадбирлар давомида 2020 йилда фаол хизмат қилган, чуқур билими, тажрибаси, намунали хулқи, фидокорлиги билан Аллоҳнинг байтига, динимизга сидқидилдан хизмат қилиб келаётган имом-хатиб ва ноиблар турли йўналишларда тақдирланди.
Йиғилишлар якунида Ўзбекистон мусулмонлари идораси ҳузуридаги “Шамсуддинхон Бобохонов” нашриёт матбаа ижодий уйида нашр этилаётган “Ҳидоят”, “Мўминалар” журналлари ва “Ислом нури” газеталарига аҳолини обуна қилишда фаоллик кўрсатган имом-хатибларга ташаккурнома, фахрий ёрлиқ ва эсдалик совғалар топширилди. Имом-хатибларнинг Аллоҳ таолонинг розилиги йўлида дин хизматчиси сифатида қилаётган солиҳ амаллари ҳусни қабул бўлиши, уларнинг келгусидаги фаолиятига куч-қувват сўраб, хайрли дуолар қилинди.
Ўзбекистон мусулмонлари идораси матбуот хизмати
Жаннатдаги юқори мартабаларни ва улуғ фаришталар билан бирга бўлишни хоҳласангиз Аллоҳнинг оятларига боғланинг. Пайғамбаримиз соллаллоҳу алайҳи васаллам: “Қуръонга моҳир бўлган киши ҳурматли фаришталар билан биргадир”[1], деганлар. Бошқа бир ҳадисларида эса: “Қиёмат куни Қуръон соҳиби жаннатга кирса, унга “Ўқи ва кўтарил!” дейилади. У ўқийди ва ҳар бир оят учун бир даража кўтарилади, токи ўзидаги бор оятларни ўқийди”[2], деганлар.
Аллоҳнинг оятларига қандай боғланиш мумкин?
Жузларга ажратилган Қуръон сотиб олинг. Шунда мўлжалланган жузни ўзингиз билан олиб юра оласиз. Бўш вақтингиздан унумли фойдаланинг ва бир-икки оят бўлса-да, ўқиб олишга ҳаракат қилинг.
Намозга айтиладиган иқома ва азон ўртасида Қуръон ўқишга озроқ вақтингиз бўлиши учун намозга эртароқ боринг.
Уловингизга битта мусҳаф қўйиб қўйинг. Уйга киришдан аввал кичик бўлса-да, бир неча оят ўқинг. Шу тариқа сиз уйингизга Аллоҳнинг оятлари ила бирга кириб борасиз.
Ишга кетаётган ва қайтаётган пайтингиз бир неча дақиқа бўлса ҳам Қуръон эшитинг.
Жума намозига эртароқ боринг ва ҳафта давомида Қуръондан ўқий олмаган қисмингизни ушбу муборак соатларда ўқиб, етказиб олинг.
Муҳтарама аёллар! Уй йиғиштираётганингизда, таом тайёрлаётганингизда Қуръоннинг овозли шаклини қўйиб қўйинг. Қанчадан-қанча вақтимиз ҳавога совурилиб кетяпти. Хасрату надоматлар фойда бермайдиган кунда бу вақтларимиз учун пушаймон бўламиз, ахир.
Қуръоннинг электрон шаклини телефон ёки компьютерингизнинг экранига ўрнатиб олинг. Шунда озроқ бўлса-да, ўқишга муваффақ бўласиз.
Пиёда юрганингизда ёд олган сураларингизни такрорлаб боринг ва буни кундалик одатга айлантиринг.
Ётоқингизга яқинроқ жойда ҳам битта Мусҳаф бўлсин. Уйқуга кетишдан аввал Қуръондан кунлик белгиланган миқдорни тугатиб қўйинг. Шундай қилсангиз кунингизнинг якуни Аллоҳнинг оятлари билан ҳамоҳанг бўлади.
Ҳассон Шамсий Пошонинг "Жаннат бўстонидаги оилавий оқшомлар" номли китобидан
Ғиёсиддин Ҳабибуллоҳ, Илҳом Оҳунд, Абдулбосит Абдулвоҳид таржимаси.
[1] Имом Муслим ривояти.
[2] Имом Аҳмад ривояти.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа