12 Ноябр, 2025, 21 Жумадул аввал, 1447
12 Ноябр, 2025, 21 Жумадул аввал, 1447
Хитойнинг машҳур “Phoenix Weekly” журналида “Ўзбекистон: Ипак йўлининг дурдона асари” мақоласи чоп этилди, деб ёзади “Дунё” ахборот агентлиги.
Нашрнинг ёзишича, Ўзбекистон дунёга машҳур сайёҳлик масканига айланмоқда. Нуфузли “Lonely Planet” туризм журнали 2024 йилда Ўзбекистонни дунёнинг энг яхши сайёҳлик йўналишларидан бири деб топди.
Ўзбекистоннинг Тошкент, Самарқанд, Бухоро ва Хива каби шаҳарлари сайёҳлар учун энг машҳур йўналиш ҳисобланади. Бу ерда сайёҳлар учун барча шароит яратилган.
“Самарқанд Марказий Осиёдаги энг қадимий шаҳар бўлиб, 2500 йилдан ортиқ тарихига эга. Унинг жуғрофик жиҳатдан қулай жойлашуви Ипак йўлининг гуллаб-яшнашига катта ҳисса қўшган. 2001 йилда Самарқанд ЮНЕСКОнинг Жаҳон маданий мероси рўйхатига киритилган”, дейилади мақолада. Регистон майдони, Гўри Амир мақбараси, Бибихоним масжиди, Шоҳи Зинда мажмуаси ва Самарқанднинг бошқа кўплаб диққатга сазовор жойлари жаҳон сайёҳларининг эътиборини тортмоқда”.
Яна бир тарихий шаҳар – Бухоро ўзига хос меъморий услубда қурилган. Шаҳар марказида жойлашган “Калон” минораси жуда чиройли ва машҳур сайёҳлик обидаси саналади.
“Ҳозирда Ўзбекистон Хитойнинг сайёҳлик компаниялари ва оммавий ахборот воситалари билан ҳамкорликда туризмни ривожлантириш устида ишламоқда. 2020 йилда Самарқандда хитой тилида сўзлашувчи гидлар тайёрлаш ва Ўзбекистонга ташриф буюрган хитойлик сайёҳларга хизмат кўрсатиш учун хитой таомларини тайёрлашга ихтисослашган “Ипак йўли” халқаро туризм университети ташкил этилди”, дея хулоса қилади “Phoenix Weekly” журнали.
Ўзбекистон мусулмонлари идораси Матбуот хизмати.
Бисмиллаҳир Роҳманир Роҳийм
Имом Абул-Ҳасан аш-Шозалий қуддиса сирруҳу дедилар:
“Агар банданинг кўнглида бу ва у дунёдаги бирор нарсага нисбатан мойиллик бўладиган бўлса, у Аллоҳга қурбият ҳосил қилолмайди, яъни яқинлашолмайди. Аллоҳга яқинлик (қурбият) фақат самимий-ҳақиқий ибодат билан қўлга киритилади. Банданинг кўнглида бу дунё ёхуд дунёдаги мавжуд нарсалардан бирор нимагадир нисбатан меҳри ва мойиллиги қолган бўлса, у ўша билан билан овора бўлиб қолади, унинг даражаси бундан юқорига кўтарилмайди” .
Шунингдек, Абул Ҳасан Али ибн ал-Мазиндан нақл этадилар: “Агар сиз бир одамни жуда мақтасангиз ва ҳатто номига “сиддиқ” сифатини изофа этсангиз ҳам, бу банданинг кўнглида дунёга озгина муҳаббат қолган бўлса, Аллоҳ ўша қулга эътибор назари билан қарамайди. Аллоҳга қасамки, Аллоҳни таниш (маърифатуллоҳ) йўлида қайсидир тариқат аҳлининг кўнглида дунё бойлигининг қайси бир хилига эришганлиги учун қаноат ва мамнунлик туйғуси ҳосил бўлган бўлса, шубҳасиз, ҳалок бўлгани ўшадир” .
Имом аш-Шозалий қуддиса сирруҳу дедилар:
“Дунёга муҳаббат қўйган ҳолда Аллоҳга ибодат қилиш фақат оворагарчилик, кўнгил безовталиги ва тан чарчоғи холос, у ҳолдаги қилинган ибодат гўёки руҳи йўқ танга ўхшайди. Зоҳидлик ва тарки дунёчиликнинг чин моҳияти қайсидир бирор хилдаги дунёвий манфаатларни қўлга киритиш ё киритмасликда эмас, балки дунёга муҳаббат қўйиш ё қўймаслик хусусидадир. Шунинг учун Аллоҳнинг Расули соллаллоҳу алайҳи васаллам бизни савдо-сотиқ ёхуд касбу ҳунар билан машғул бўлишдан маън этмадилар”.
"Ахлоқус солиҳийн" (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 