12 Январ, 2025, 12 Ражаб, 1446
12 Январ, 2025, 12 Ражаб, 1446
Ўзбекистоннинг Покистондаги элчихонасида мамлакатимиз зиёрат туризм салоҳиятини тарғиб қилиш бўйича видеоанжуман бўлиб ўтди. Бу ҳақда “Дунё” АА деб хабар берди.
Тадбирда Ўзбекистон Бош вазири ўринбосари Азиз Абдуҳакимов, Вазирлар Маҳкамаси ҳузуридаги Дин ишлари бўйича қўмита раиси Абдуғофур Аҳмедов, Ўзбекистон мусулмонлари идораси раисининг биринчи ўринбосари Ҳомиджон Ишматбеков қатнашди.
Шунингдек, Покистон дин ишлар бўйича федерал вазири Пир Нур ул-Ҳақ Қадрий, диний ишлар ва динлараро тотувлик бўйича федерал вазир, Ўзбекистоннинг Покистондаги зиёрат туризми элчиси Пир Ҳасиб ур-Раҳмон, Миллий ассамблея спикери ўринбосари Қосим Хон Сури, Ислом мафкураси кенгаши раиси Қибла Аёз, ҳукмрон PTI партияси саноат қўмитаси раиси Ифтихор Расул Гҳумман, “Shahzad International Petroleum Exploration (Pvt) Ltd.” халқаро нефт компанияси раҳбари Пир Нақиб ур-Раҳмон, Покистондаги Ўзбекистон сайёҳлик ахборот маркази директори Ҳамид Чоудри иштирок этди.
Тадбир Бухоро, Самарқанд, Хива, Термиз, Тошкент каби шаҳарлардаги ислом қадамжоларга алоҳида эътибор қаратиб, мамлакатимизнинг зиёрат, тарихий, саломатлик ва академик туризм соҳасидаги салоҳиятининг тақдимоти билан бошланди.
Покистон диний ишлар бўйича федерал вазири Пир Нур ул-Ҳақ Қадрий мамлакатимизда зиёрат туризми, ислом қадамжоларини қайта тиклаш ва таъмирлаш бўйича ислоҳотларни алоҳида таъкидлаб, бунинг учун ҳукуматимиз ва халқимизга миннатдорчилик изҳор этди. Покистон ҳукумати Ўзбекистон ислом тамаддунининг бебаҳо қадамжоларининг ишончли посбони сифатида эътироф этиб, мамлакатни ислом оламининг барча зиёратчиларига кенг очиш борасидаги инсонпарвар ва бағрикенг сиёсат ижобий баҳоланаётганини қайд этди.
Видеоанжуман Facebook ва YouTube ижтимоий тармоқлари орқали онлайн узатилди. Уни кенг жамоатчилик кузатиб борди.
Ўзбекистон мусулмонлари идораси матбуот хизмати
Шу йил 9 январь куни Ўзбекистон мусулмонлари идораси ва Дин ишлари бўйича қўмита ҳамкорлигида ўтказиб келинаётган намунавий-амалий тадбирларнинг навбатдагиси Сирдарё туманида ўтказилди.
Мазкур тумандаги “Абу Бакр” масжидидаги йиғилишда Ўзбекистон мусулмонлари идораси раиси ўринбосари Зайниддин домла Эшонқулов бошчилигида Сирдарё вилоят вакиллиги ходимлари, туманлар бош имом-хатиблари ва тажрибали имом-хатиблардан иборат Ишчи гуруҳ тузилиб, улар ҳудуддаги 7 та масжид ва 21 та маҳаллага бириктирилди. Шунингдек, маҳаллалардаги “Ҳаж – 2024” зиёратчилари маънавий-маърифий тадбирларга жалб этилди.
Тадбир доирасида имом-хатиблар 105 та оилага, 21 та оилага, умумий ҳисобда 126 та оилага кириб, тарғибот ва амалий ёрдам ишларни олиб борди.
Хусусан, 38 та хонадонда ёт ғоялар таъсирига мойил бўлганлар билан суҳбатлашилиб, уларнинг тушунчалари тўғриланди. 19 оила бузилишининг олди олинди. Ногиронлиги бор, эҳтиёжманд ва табаррук ёшдаги қариялар яшайдиган 5 та оилага кириб совға-саломлар улашилди.
Шунингдек, ишчи гуруҳ аъзолари имом-хатиблар фаолиятини ўрганди. Жумладан, устав асосида иш юритиш, жамоани бошқариш, масжидни тоза ва озода сақлаш, унда қулай шароитлар ҳозирлаш каби жиҳатлар кўриб чиқилди. Натижада имом-хатиб бошчилигидаги масжидлар жамоасининг фаолиятига ижобий баҳо берилди.
Бундан ташқари, ишчи гуруҳ аъзолари ўзларига бириктирилган масжидларда пешин намозини адо қилиб, қавмга “Тинчлик неъмати”, “Шукроналик”, “Ўзаро ҳамжиҳатлик”, “Оила муқаддаслиги”, “Ҳусни хулқ”, “Қўшничилик одоблари”, “Мазҳабга эргашиш ва ёт ғоялар таъсиридан сақланиш” каби долзарб мавзулардаги маъруза қилишди. Уларда 1 300 нафардан ортиқ намозхон қамраб олинди.
Тадбир сўнгида Сирдарё тумани имом-хатибларининг маънавий-маърифий ва масжид бошқарувидаги фаолиятида кузатилган камчиликларни бартараф этиш юзасидан кўрсатма ва тавсиялар берилди.
Маълумот ўрнида Сирдарё вилояти имом-хатиблари фаолияти самарадорлигини оширишга қаратилган Ишчи гуруҳ фаолияти 2025 йилнинг 28 январь куни Ховос туманида ўтказилиши режа қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 