Кеча 31 октябрь куни Тошкент вилоятининг Бекобод туманидаги «Мулла Абдуғаффор ҳожи» ҳамда «Иттифоқ» жоме масжидларининг янги пойдеворига илк ғишт қўйиш маросими бўлиб ўтди.

Ушбу хайрли ишларга Ўзбекистон мусулмонлари идораси раиси ўринбосари Иброҳим домла ИНОМОВ, Масжидлар бўлими мудири Муҳаммадназар домла ҚАЮМОВ, вилоят бош имом-хатиби в.б. Нурали домла МАВЛАНОВ ҳамда туман ҳокими қатнашдилар.

Ҳар икки тадбир ҳам Қуръон тиловати билан бошланди ва табрик асносида масжидларни қуриш нақадар юксак даражали савобли иш эканлиги ҳақида мавъизалар қилинди.

Тадбир якунида ушбу ишларга бош бўлган, бироқ Аллоҳнинг иродаси ила бугун орамизни тарк этган марҳум Хайруллоҳ домла ҳақларига раҳмат ва мағфиратлар сўраб дуолар қилинди.

«Мулла Абдуғаффор ҳожи» жоме масжидининг янги биноси сиғими 400 ўринга, «Иттифоқ» жоме масжидининг янги биноси сиғими 350 ўринга мўлжалланган.

Барчамиз ушбу масжидларнинг қурилиш ишларига ўз ҳиссамизни қўшайлик!

Тошкент вилояти вакиллиги матбуот хизмати.