14 Июл, 2025, 19 Муҳаррам, 1447
14 Июл, 2025, 19 Муҳаррам, 1447
Қозоғистонда бундан 127 йил аввал қўй жуни ва бия сутидан фойдаланиб қурилган Ойил масжиди ўзининг меъморчилиги билан эътиборни тортади.
Анадолу агентлиги маълумотларига кўра, тарихий масжид Қозоғистон ғарбида Ойил туманида, Оқтўба шаҳридан 300 км узоқликда жойлашган.
Тарихий ипак йўлининг йўналишларидан бири сифатида танилган туман Ойил дарёсидан ўз номини олди.
Бир қаватли масжид 1893-йилда савдогарлар томонидан қурилган. Кумуш минораси учбурчак шаклга эга.
Маълумки, қурилиш тарихи ва архитектураси билан ташриф буюрувчилар эътиборини тортадиган масжид қурилишида ишлатиладиган хомғиштлар сув ўрнига қўй жуни ва бия сутини аралаштириб тайёрланган.
Масжид деворлари қор ёки ёмғирдан кейин ранги ўзгаради.
Ойил масжиди 127 йил давомида Қозоғистон кўплаб вилоятларидан мусулмонларни ўзига жалб қилди.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
Ҳақиқатда, имом Абу Ҳанифа Расули Мустафога эргашган саҳобаларидан баъзиларини кўрган, унинг кўргани саҳиҳдир ва бу гуруҳнинг сони етти нафардир ва шу сабаб шарафдир.
Анас, Жобир, Маъқал ибн Ясор шунингдек, Восила ибн Асқоъ – вафо эгаси. Шунингдек, Абдуллоҳ ибн Унайс, у ибн Жазъи деб ҳам танилган. Оиша билан якунлайман, удир бинти Ажрад. Улар асрларнинг энг яхшисидан, поклик эгаларидан эдилар
Шарқ муфтийси, Бурҳонуддин Иброҳим ибн Ҳасан Мулла Аҳсоий ёзган.
Изоҳ: Имом Абу Ҳанифа раҳматуллоҳи алайҳ тобеинлардан ҳисобланадилар. У зот: “Расулуллоҳ соллаллоҳу алайҳи васалламнинг асҳобларидан еттиталари билан кўришдим. Улар: Анас ибн Молик, Абдуллоҳ ибн Жазъи Зубайдий. Жобир ибн Абдуллоҳ, Маъқал ибн Ясор, Восила ибн Асқоъ, Оиша бинти Умар ва Абдуллоҳ ибн Унайсдир”, деганлар.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 