07 Январ, 2025, 7 Ражаб, 1446
07 Январ, 2025, 7 Ражаб, 1446
Ўзбекистон Бош консуллиги томонидан Рамазон ойи муносабати билан тантанали кеча ташкил этилди, деб хабар бермоқда “Дунё” ахборот агентлиги.
Тадбирда Свердловск вилояти маъмуриятининг бир қатор вакиллари, Россия Ташқи ишлар вазирлигининг Уралдаги ваколатхонаси, Озарбайжон, Қозоғистон, Тожикистон ва бир қанча мамлакатларнинг Екатеринбургдаги консуллари ва дипломатлари, шунингдек, ҳукуматларнинг доимий вакиллари иштирок этди.
Тадбирга ўзбекистонлик меҳнат муҳожирлари тез-тез ташриф буюрадиган “Екатеринбург” ва “Верхняя Пишма” масжидлари имом-хатиблари ҳам таклиф этилди.
Тадбир давомида иштирокчиларга Ўзбекистоннинг зиёрат туризми соҳасидаги сайёҳлик салоҳиятини ёритиб берувчи видеороликлар ва тақдимот ҳавола қилинди. Хусусан, меҳмонларга Ўзбекистоннинг турли ҳудудларида жойлашган зиёратгоҳлар ҳақида маълумот берилди.
Тадбир меҳмонларига Ўзбекистон шаҳарларида ўзбек ҳунармандлари томонидан ишлаб чиқарилаётган бадиий ҳунармандчилик маҳсулотлари, мамлакатимиздаги гастрономик туризмнинг ўзига хос хусусиятлари ҳақида ҳам батафсил тушунча берилди.
Шубҳасиз, республикамиздаги зиёрат туризми салоҳияти тақдимоти тадбир иштирокчиларида ижобий таассурот қолдирди. Хусусан, Татаристоннинг Уралдаги доимий вакили Хайдар Гилфанов Екатеринбургда Ўзбекистоннинг Бош консуллиги ўз фаолиятини бошлагандан кейин ўзбекларнинг бой тарихи, маданияти ва қадриятлари кенг тарғиб қилинаётганини эътироф этди.
Ўзбекистон мусулмонлари идораси Матбуот хизмати
Ўтган 2024 йили Ўзбекистон мусулмонлари идораси ҳузуридаги “Вақф” хайрия жамоат фонди раҳбариятининг Қатар давлатининг Ўзбекистондаги элчихонасида бўлиб ўтган учрашув давомида хайрия йўналишидаги бир қанча масалалар юзасидан музокаралар бўлиб ўтган эди. Хусусан, Қатар давлатининг фавқулодда ва мухтор элчиси кам таъминланган оилаларга ёрдам ажратиш, имконияти чекланган фуқароларни қўллаб-қувватлаш, улар учун касб ва билимга ўргатиш курсларини ташкил этиш, зарурий жиҳоз-ускуналар (эшитиш мосламалари, ногиронлик аравачалари, қўлтиқтаёқ ва протез ортопедия-маҳсулотлари) билан таъминлаш каби бир қанча йўналишлар доирасида фонд билан ҳамкорлик қилиш истагини билдирган эди.
Кеча ана шу музокаралар натижаси ўлароқ, Қатар давлати маблағлари ҳисобига харид қилинган юздан ошиқ ногиронлик аравачалари ва 80 га яқин қўлтиқтаёқлар “Вақф” хайрия жамоат фондига олиб келинди. Ногиронлиги бўлган фуқароларни қўллаб-қувватлаш акцияси доирасида келтирилган мазкур жиҳозларни топшириш жараёнида Қатар давлатининг Ўзбекистондаги фавқулодда ва мухтор элчиси вазифасини вақтинча бажарувчи Фаҳад Али ал-Ҳаммадий иштирок этиб, фонд билан ҳамкорликдан миннатдор эканлигини, ўзгалар парваришига муҳтож инсонларга оз бўлсада ёрдам бераётганидан хурсандлигини билдирди.
Ўз навбатида “Вақф” хайрия жамоат фонди бошқаруви раҳбари Исохон Абдуллаев Қатар элчихонаси вакилига миннатдорлик билдириб, бу ҳамкорлик ҳар икки томон учун ҳам хайрли бўлаётганини, бу жиҳозлардан кўплаб инсонларнинг мушкули осон бўлишини таъкидлаб ўтди.
Ўзаро мулоқот давомида икки томон ҳам бу каби хайрли ташаббусларни янада кўпайтиришни мақсад қилишди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 