Yodingizda tuting!
“Haj safari uchun sanoqli joylar qoldi!”, “Bizning firma bilan haj qiling!”, “Haj uchun yarim narxni toʻlang!”
Ayni kunlarda ijtimoiy tarmoqlarda shu kabi jimjimador sarlavha ostidagi reklamalar koʻpaymoqda.
Yodingizda tuting! Saudiya Arabistonida Haj amallarini bajarish uchun sizda “Haj-2024” vizasi boʻlishi shart.
Din ishlari boʻyicha qoʻmita
Axborot xizmati
Намозни ўз вақтида адо этувчиларга 9 мукофот
Бисмиллаҳир Роҳманир Роҳийм
Ҳазрати Усмон розияллоҳу анҳу айтдилар:
"Ким беш вақт намозни ўз вақтида адо этиб, уни мунтазам (давомли) ўқиса, Аллоҳ таоло уни тўққизта каромат (иззат-икром) билан мукофотлайди:
Биринчиси: Аллоҳ уни яхши кўради.
Иккинчиси: Бадани соғлом бўлади.
Учинчиси: Фаришталар уни қўриқлайдилар.
Тўртинчиси: Хонадонига барака тушади.
Бешинчиси: Юзида солиҳларнинг белгиси (нури) намоён бўлади.
Олтинчиси: Аллоҳ унинг қалбини мулойим қилиб қўяди.
Еттинчиси: Сирот кўпригидан чақмоқ каби тез ўтиб кетади.
Саккизинчиси: Аллоҳ уни дўзахдан қутқаради.
Тўққизинчиси: Аллоҳ уни хавф-хатар ва ғам-ғусса кўрмайдиган зотлар билан (жаннатда) қўшни қилади".
Ҳомиджон қори ИШМАТБЕКОВ