Пойтахтимизда Ўзбекистон олимлари форуми бўлиб ўтмоқда
Жорий йилнинг 3 июль куни Ўзбекистон Республикаси Вазирлар Маҳкамаси ҳузуридаги Ўзбекистондаги ислом цивилизацияси марказида "Буюк аждодлар мероси – III Ренессанс пойдевори" мавсусида Ўзбекистон олимлари форуми бўлиб ўтмоқда.
Унда беш юзга яқин турли йўналишдаги аҳли илмлар, профессору олимлар, уламолар, тадқиқотчилар иштирок этмоқда. Форумда Ўзбекистон Ислом цивилизацияси марказининг мақсад ва вазифалар, келгуси режаларини намоён этадиган семинарлар ва тақдимотлар ташкил этилмоқда.
Шўъбаларга бўлинган ҳолда ўтказилган форумда ҳар бир лойиҳа бўйича олимлар иштирокида муҳокамалар ташкил этилиб, иштирокчиларнинг фикр-мулоҳазалари тингланмоқда.
Форумдан асосий мақсад Ўзбекистон Республикаси Президенти Шавкат Мирзиёевнинг бевосита ташаббуслари билан барпо этилаётган Марказий Осиёда ягона бўлган Ўзбекистондаги Ислом цивилизацияси марказини III Ренессанснинг маънавий-марифий устунларидан бирига айлантириш ва унинг фаолияти такомиллаштиришга қаратилган.
Шунингдек, маънавият ва маърифат соҳасида ишларни янги йўлга қўйиш, давлат Раҳбари қарорларида белгиланган вазифаларнинг самарали ижросини таъминлаш, Ислом цивилизацияси марказининг фаолиятини янги босқичга олиб чиқиш, янги илмий инновацион лойиҳаларни амалиётда жорий этиш, Музей экспозицияси контентини янада бойитиш ва такомиллаштириш каби масалаларни муҳокама қилишдан иборатдир.
Форум иши эртага, 4 июль куни давом этади.
Ўзбекистон мусулмонлари идораси
Матбуот хизмати
Сиэтл шаҳри 1 сентябрни “Ўзбекистон Мустақиллиги куни” деб эълон қилди
АҚШнинг Сиэтл шаҳри мери Кети Б. Уилсон 2026 йил 1 сентябрни “Ўзбекистон Мустақиллиги куни” деб расман эълон қилди. Бу ҳақда шаҳар мери томонидан имзоланган махсус прокламацияда қайд этилган.
Ҳужжатда Ўзбекистон мустақиллигининг 35 йиллиги, мамлакатнинг шу давр мобайнида суверенитет, тараққиёт ва кенг кўламли ўзгаришлар йўлини босиб ўтгани алоҳида таъкидланган.
Шунингдек, прокламацияда Ўзбекистоннинг Марказий Осиёдаги энг кўп аҳолига эга давлат экани, иқтисодиёт йиллик 5–6 фоиз атрофида ўсиб бораётгани, очиқ бозор ва халқаро ҳамкорликни ривожлантиришга интилаётгани қайд этилган.
Ҳужжатда Ўзбекистоннинг қадимий Ипак йўли марказида жойлашгани ва бугунги кунда 100 миллиондан ортиқ истеъмолчини қамраб олувчи минтақага стратегик дарвоза вазифасини бажараётганига ҳам урғу берилган. Бу эса савдо, инвестиция, логистика, технология ва энергетика соҳаларида Сиэтл бизнес ҳамжамияти билан ҳамкорлик учун катта имконият сифатида баҳоланган.
Бундан ташқари, Ўзбекистоннинг Сиэтлдаги Бош консуллиги фаолияти икки томон ўртасида одамлар, бизнес ва давлат идоралари даражасида узоқ муддатли алоқаларни мустаҳкамлашга хизмат қилиши таъкидланган.
https://t.me/Rasmiy_axborot_official
