Ўзбекистон мусулмонлари идораси ҳузуридаги «Вақф» хайрия жамоат фондининг Самарқанд вилояти филиали «Меҳр-2020» фонди жамоаси билан ҳамкорликда боқувчисини йўқотган эҳтиёжманд оилалар учун ажойиб совға ҳозирлашди. Янги ўқув йили олдидан вилоятнинг шаҳар ва туманларида истиқомат қилаётган ана шундай оилаларнинг 1000 нафардан ортиқ фарзандларини ўқув қуроллари, мактаб формалари билан таъминлаш учун хайрия акциясини бошлаб юборишди. Бунда саховатпеша ҳомийларимиз томонидан дастлабки босқичда Нуробод туманида 40 нафар болажонга мактаб формалари ва ўқув қуроллари сотиб олиниб, хайрия қилинди.
Зеро, Пайғамбар соллаллоҳу алайҳи васаллам етимни кафилликка олган кишига жаннатда ўзлари билан бирга бўлишини башорат бериб, кўрсаткич ва ўрта бармоқлари билан ишора қилганча шундай деганлар: “Мен билан етимни кафилликка олган киши жаннатда мана шундай ёнма-ён бўламиз”.
Эзгу ишга сиз ҳам ҳисса қўшинг.
Миср ва ислом оламининг энг буюк қориларидан бири Aҳмад Наина телевидение дастурида болалигиданоқ Қуръони карим ҳаёти ҳақида гапириб, ўзининг Қуръон истеъдодини ҳаётидаги энг буюк илоҳий неъмат, деб таърифлади. Бу ҳақда “IQNA” сайти “Al-Ahram” га таяниб хабар берди.
– Отам пахта савдоси билан шуғулланган. Қуръон илмидан ҳам олим бўлган. Менинг Қуръон ўрганишимга ҳам жуда қизиқарди. Мадрасада Каломуллоҳни ўқишни ўргандим. Искандарияда Шайх Саиддан рухсат олиб, кўзи ожиз Шайх Aмин Хелолийдан таҳсил олдим, – дейди у.
Миср ва ислом оламининг бу буюк қорисининг сўзига кўра, Мисрнинг собиқ президенти Aнвар Садат унинг мутолаасига юқори баҳо бериб, ўзи яқин дўст бўлган Шайх Мустафо Исмоил билан қиёслаган.
Наина, шунингдек, Мисрнинг буюк таржимон олими ва воизи Шайх Муҳаммад Мутавалли аш-Шаровийнинг мухлиси ва унинг шогирди эканлигини айтди. Aш-Шаровий унинг қироатини жуда қадрлаган ва ҳар доим Наина бизни танани эмас, балки қалб ва руҳни даволашга йўналтиради, - дейди.
Ўзбекистон мусулмонлари идораси ходими
Илёсхон Аҳмедов тайёрлади.