Шошилинг, Ҳадис илми мактабида ўқиш имкониятини қўлдан бой берманг!
Аввал хабар берганимиздек, жорий йилнинг 20 июнидан Ўзбекистон мусулмонлари идораси тасарруфидаги олий ва ўрта махсус ислом таълим муассасаларига 2020-2021 ўқув йили учун абитуриентларнинг ҳужжатларини qabul.muslim.uz портали орқали онлайн қабул қилиш жараёнлари бошланган эди.
Ҳадис илми мактаби олий диний таълим муассасасига ўқиш учун абитуриентларнинг ҳужжатларини қабул қилиш 10 июль куни соат 20:00 га қадар давом этишини маълум қиламиз.
Ҳадис илми мактабининг ушбу ўқув йилдаги абитуриентлар учун қандай имкониятлар мавжуд?
Биринчидан, Ҳадис илми мактабига абитуриентларни ҳужжатларини қабул қилиш муддати бошқа олий диний таълим муассасалари (Тошкент ислом институти ва Мир Араб олий мадрасаси)дан фарқли ўлароқ, 10 кун олдин якунланишини инобатга олиб, Мактаб абитуриентлари жорий йилнинг 15 июлига қадар барча қабул имтиҳонларига иштирок этишади.
Иккинчидан, Қабул имтиҳонлари натижалари имтиҳондан сўнг тезда эълон қилинишини инобатга олиб, Мактаб абитуриентлари имтиҳон натижаларидан кўра кириш учун етарли балл тўплай олмаган тақдирда, 20 июлга қадар бошқа олий диний таълим муассасаси (Тошкент ислом институти ва Мир Араб олий мадрасаси)га ҳужжат топшириш ҳамда қабул имтиҳонларига қайта иштирок этиш имкониятига эга бўлишади.
Учинчидан, Ҳадис илми мактабига кириш учун етарли балл тўплаймаган абитуриентлар қабул имтиҳонларига қатнашиш орқали бошқа олий диний таълим муассасасига кириш учун қабул имтиҳонлари бўйича тажриба ҳосил қиладилар.
Демак, Ҳадис илми мактаби абитуриентлари бир йилда иккита олий диний таълим муассасасига ҳужжат топшириб, имтиҳон жараёнларига иштирок этиш имкониятига эга бўладилар.
Ҳадис илми мактабига абитуриентлар қуйидаги ҳужжатларни тақдим этади:
- Паспорт (электрон шакли);
- Ўрта махсус ислом таълим муассасасини тамомлаганлик тўғрисидаги ҳужжат (диплом) электрон шаклда;
- 1 дона рангли фотосурат (3х4 ҳажмдаги) электрон шаклда.
Абитуриентлар ҳужжатларни масофавий тарзда qabul.muslim.uz портали орқали топширишади.
Ҳужжатларни қабул қилишнинг охирги муддати: 2020 йил 10 июл соат 20:00 га қадар.
Ҳадис илми мактабига қабул имтиҳон фанлари:
- “Ҳадис ва Мусталаҳул ҳадис” (ижодий имтиҳон) 93 балл;
- “Араб тили” (ижодий имтиҳон) 63 балл;
- “Ўзбекистон тарихи” (тест) 30 та савол, ҳар бир тўғри жавобга 1.1 балл берилади, жами 33 балл.
Ҳадис илми мактаби колл марказ телефон рақами: (+99866) 240 20 51
Шунингдек, Ҳадис илми мактаби қабул жараёнлари тўғриисдаги тўлиқ маълумотни hadith.uz сайти ва унинг ижтимоий тармоғларидаги манзиллари орқали олишингиз мумкин.
Бухорода имомлар ўртасида спорт мусобақаси ўтказилди
Истиқлолимизнинг 35 йиллиги арафасида Бухоро вилоятидаги имом-хатиб ва ноиблар ўртасида стол тенниси бўйича вилоят турнири бўлиб ўтди.
Соғлом турмуш тарзини кенг оммалаштириш ва ўзаро ҳамжиҳатликни мустаҳкамлаш мақсадида ташкил этилган баҳсларда дин пешволари ўзларининг жисмоний тетиклиги ва маҳоратларини намойиш этдилар. Муросасиз кечган беллашувлар якунига кўра, совринли ўринлар қуйидагича тақсимланди:
1-ўрин: Абдулло домла Авезов (Қоракўл тумани, «Бозорхўжа» масжиди);
2-ўрин: Абдувоҳид домла Акрамоев (Бухоро шаҳри, «Волидайи Абдулазизхон» масжиди);
3-ўрин: Саддам домла Бобоқулов (Пешку тумани, «Хўжа Пешку» масжиди).
Ғолиб ва совриндорларга Бухоро вилояти бош имом-хатиби ўринбосари Отабек домла Авезов томонидан эсдалик совғалари тантанали равишда топширилди.
Ислом динида тан саломатлиги ва жисмоний куч-қувватга алоҳида эътибор берилади. Бу каби спорт тадбирлари соҳа ходимлари ўртасида соғлом муҳит ва юқори кайфиятни таъминлашга хизмат қилмоқда.
Ўзбекистон мусулмонлари идораси
Бухоро вилояти вакиллиги
Матбуот хизмати
