Канадада Пайғамбар алайҳиссалом ҳақида кўргазма ўтказилади
Канаданинг Онтарио штати Миссиссауга шаҳрида Пайғамбар соллоллоҳу алайҳи васалламнинг сийрати шарифига бағишланган кўргазма бўлиб ўтади. Унда Набий алайҳиссалом ва у зотнинг саҳобаларига тегишли бўлган 16 та асар ўрин олган. Бу ҳақда “IQNA” сайти маълум қилган.
Кўргазма ташкилотчилари айтишича, тадбирдан мақсад одамларга Муҳаммад саллоллоҳу алайҳи васаллам ҳаёти ҳақида маълумот беришдир.
Канада Жаҳон Малай Жамияти (ДМCC) томонидан ташкил этилган кўргазма 30 сентябрь жума кунидан 1 октябрь якшанба кунига қадар Миссиссауга, Онтарио халқаро марказида давом этади.
ДМCC аъзолари қайд этишича: “Ушбу кўргазма ташриф буюрувчиларга Пайғамбар саллоллоҳу алайҳи васалламга тегишли буюмлар, турли ашё ва асарлар, уларнинг аудио ва видео тасвирлари, шунингдек, мазкур асарларнинг ҳикоялари ва тарихи орқали Пайғамбаримиз мероси ва У зотнинг Исломни равнақ топтириш борасидаги ҳаёт тарзи таништирилади".
Ўзбекистон мусулмонлари идораси
Матбуот хизмати
Анжуман қатнашчилари Ислом цивилизацияси марказига саёҳат қилишди
Хабар берганимиздек, 19-20 август кунлари Ислом цивилизацияси марказида Ўзбекистон мусулмонлари идораси тасарруфидаги олий ва ўрта махсус диний таълим муассасалари профессор-ўқитувчиларининг «Замонавий диний таълим: педагогика, илм-маърифат ва инновация» номли I илмий-амалий анжумани бўлиб ўтмоқда.
Бугун, 19 август куни иштирокчилар кутиб олиниб, уларнинг Ислом цивилизацияси марказига саёҳати ташкил этилди. Ташриф давомида меҳмонлар марказнинг бой экспозициялари, Қуръони карим зали, нодир қўлёзмалар ҳамда буюк аждодларимизнинг илмий меросига бағишланган бўлимлар билан яқиндан танишди. Айниқса, замонавий мультимедиа лойиҳалари ва тарихий экспонатлар уларда чуқур таассурот қолдирди.
Устозлар Марказда амалга оширилаётган кенг кўламли ишлар ислом маърифатини тарғиб қилиш ҳамда ёш авлодни миллий-диний қадриятларга ҳурмат руҳида тарбиялашда муҳим аҳамият касб этишини эътироф этишди.
Шунингдек, иштирокчилар Ўзбекистон мусулмонлари идорасида ҳам бўлишди. Ҳазрати Имом мажмуасидаги тарихий қадамжо ва обидаларни зиёрат қилишди.
Оқшомда Ислом цивилизацияси маркази биносида маърифий дастур – mapping намойиш қилинди.
Мазкур тадбирлар ислом цивилизацияси меросини тарғиб этиш, диний таълим тизимини янада такомиллаштириб, янги босқичга олиб чиқишда салмоқли ҳисса бўлиб қўшилади.
Ўзбекистон мусулмонлари идораси Матбуот хизмати
- «
- »