Туркия ташқи ишлар вазири Мевлут Чавушоғлу Аё Софияни масжидга айлантириш эҳтимоли ҳақидаги саволни туркларнинг ўзи ҳал қилиши кераклигини айтди.
"Бу суверенитет масаласи. Афина бизга буйруқ бера олмайди ва биз тушунтира олмайдиган ҳеч нарса қилмаймиз", - дея Туркия ташқи ишлар вазирининг сўзларини келтиради Интерфакс агентлиги.
Чавушоғлу, бу масала юзасидан юнонлар нима учун норозилик билдираётганлари тушунарсиз эканлигини билдирди.
"Юнонлар Константинополь ва Аё София ўз ҳудудида бўлгандек аралашмоқдалар", - дейди у.
У Аё София 1453 йилда Султон Меҳмет Фотиҳ иродаси билан масжидга айланганини эслатиб ўтади.
Эслатиб ўтамиз, 29 май куни Константинополь қулаганининг навбатдаги йиллиги муносабати билан Аё Софияда Қуръон ўқилди. Тез орада Туркия Президенти Ражаб Тойиб Эрдўғон Софияни масжидга айлантириш эҳтимолини ўрганишга кўрсатма берди ва Адлия вазири Абдулҳамит Гул бу ташаббусни қўллаб-қувватлади. Туркия Армани патриархи Саак II, ўз навбатида, Аё София масиҳийлар ва мусулмонлар учун ибодат жойи бўлиши керак, деб таклиф қилди. Islam-today хабарига кўра, бу бинонинг келажаги тўғрисидаги масала июль ойининг бошида давлат Кенгаши томонидан кўриб чиқилади.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
“Расулуллоҳ соллаллоҳу алайҳи васаллам учган идишдан ичимлик ичишдан ва ичимликка пуфлашдан қайтардилар” (Имом Абу Довуд ривояти).
Синиқ пиёлада сув ичиш макруҳ саналади. Имом Таҳовий раҳматуллоҳи алайҳ бундай ёзади: “Ҳадисдаги синиқ идишдан сув ичишдан қайтарилишининг сабаби – синиқ жойда тўпланиб қолувчи кирнинг инсон танасига кирмаслигини олдини олиш”.
Синган ёки дарз кетган идишларнинг ёриқларида турли бактерия ва микроблар тўпланади. Ана шундай бактериялардан бири – Протей (Proteus) чиритувчи бактериялар гуруҳига мансуб бўлиб, идишлардаги ёриқ ва синиқларда тўпланиб шу ердан инсон организмига киради. Натижада гастрит ҳамда ошқозон-ичак касалликлари юзага келади.
Қолаверса, синган идишларнинг бўёқларидаги кадмий, кобальт металлари заҳарли модда саналади. Агар эмалланган идишларнинг сири кўчса, овқат билан реакцияга киришиб, оксидлана бошлайди. Улар овқат ёки сувга қўшилиб, организмни секин-аста заҳарлайди.
Даврон НУРМУҲАММАД