Бразилия мусулмон сайёҳларни жалб қилишга интилмоқда
Энг йирик ҳалол гўшт импорт қилувчи давлат Бразилия мусулмон сайёҳларни жалб қилишга интилмоқда. Ҳозирча Жанубий Aмерика давлатига мусулмонлар кўп бўлган мамлакатлардан келганлар сони анча паст. Масалан, Бразилиянинг йирик иқтисодий маркази Сан-Паулу 2023 йилда араб давлатларидан бор-йўғи 21 минг сайёҳни қабул қилган.
Халқаро Ҳалол Академияси бош котиби Aли Зағбий “Arab Nеws” нашрига берган интерьвюсида Сан-Паулу штати, пойтахт жойлашган Федерал округни мусулмонлар учун сайёҳлик масканига айлантириш учун ҳаракат қилинмоқда.
Сан-Паулу аҳолиси жуда хилма-хил бўлиб, кўп асрлик мусулмон жамоаси ва бир нечта масжидларни ўз ичига олади. У Бразилиянинг асосий дарвозаси ва Ислом оламидан келган ишбилармонлар учун энг муҳим манзилдир.
“Биз мусулмонлар учун саёҳат бўйича қўлланмани ишлаб чиқдик. Унда минтақадаги масжидлар, мусулмонлар кўп бўлган мамлакатлар консуллиги ва туристларни жалб қилувчи диққатга сазовор жойлар ҳақида маълумотлар бор”, – деди туризм бўйича давлат координатори Aна Клементе.
Дастур бошланганидан буён Сан-Паулу шаҳридаги етакчи меҳмонхона мусулмонларни қабул қилиш сертификатига эга бўлди. Бу борада яна икки меҳмонхона фаолият олиб бормоқда.
“Меҳмонхоналарда қибла йўналиши бўйича белгиларни жойлаштириш, мусулмон меҳмонлар учун хоналардан спиртли ичимликларни олиб ташлаш, шунингдек, таомлар менюсидан чўчқа гўштини олиб ташлаш каби баъзи ўзгаришлар талаб этилади”, деди Зағбий.
Ҳайекнинг қўшимча қилишича, ҳалол тамаддихоналар етишмаслиги Бразилиянинг катта қисмида балиқ ва денгиз маҳсулотларининг кенг тарқалиши билан қопланиши мумкин.
Ўзбекистон мусулмонлари идораси
Матбуот хизмати
Банклар ва микромолия ташкилотлари ўз фаолиятини исломий банк фаолиятига ўзгартириши мумкин
Адлия вазирлиги Микромолия ташкилоти ва банк фаолиятини ўзгартириш тартиби тўғрисидаги низомга ўзгартириш ва қўшимчаларни давлат рўйхатидан ўтказди (рўйхат рақами 3656-1, 01.08.2026 й.), хабар бермоқда huquqiyaxborot Telegram канали.
Мазкур идоравий ҳужжат "Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида" 2026 йил 27 мартдаги ЎРҚ–1126-сон Қонунга мувофиқ айрим кредит ташкилотлари фаолиятини ўзгартиришнинг қуйидаги тартиб-таомилларини белгилайди:
- микромолия ташкилотини фақат исломий банк фаолиятини амалга оширувчи микромолия банкига ўзгартириш;
- фақат исломий банк фаолиятини амалга оширувчи микромолия банкини фақат исломий банк фаолиятини амалга оширувчи банкка ўзгартириш;
- фақат исломий банк фаолиятини амалга оширувчи банкни фақат исломий банк фаолиятини амалга оширувчи микромолия банкига ўзгартириш;
- фақат исломий банк фаолиятини амалга оширувчи микромолия банкини микромолия ташкилотига ўзгартириш;
- банкни фақат исломий банк фаолиятини амалга оширувчи банкка ўзгартириш.
Шунингдек, ўз фаолиятини фақат исломий банк фаолиятини амалга оширувчи банкка ўзгартиришга фақат исломий банк фаолиятини амалга оширувчи микромолия банки ҳақли.
Микромолия банкини давлат рўйхатидан ўтказиш ва банк фаолиятига доир тегишли лицензия (лицензиялар) олиш учун ногиронлиги бўлган шахслар учун микромолия банки биноларида шаҳарсозлик нормалари ва қоидаларида белгиланган талабларга мувофиқ қулай шарт-шароитлар яратилганлиги бўйича Қурилиш ва уй-жой коммунал хўжалиги соҳасида назорат қилиш инспекциясининг хулосаси мавжуд бўлиши керак.
Ташаббус Форс кўрфази мамлакатларидан инвестицияларни жалб қилишга қаратилган бўлиб, дастлабки ҳисоб-китобларга кўра, ушбу чора-тадбирларни амалга ошириш иқтисодиётга депозитлар ва тўғридан-тўғри инвестициялар кўринишида тахминан 1 миллиард доллар жалб қилиши мумкин. Мутахассисларнинг прогнозларига кўра, 2035 йилга бориб Ўзбекистон ушбу тизим ишга туширилгандан бери дунёда ислом молиясининг энг тез ўсишини намойиш этади.
Ўзбекистон мусулмонлари идораси Матбуот хизмати
