Илм иста (шеър)
Илму ҳикмат бир илоҳий нур-зиё,
Илму ҳикмат билан диллар пурзиё.
Зебу зийнат, молу дунё ўткинчи,
Завқу азоб, орзу-ҳаво ўткинчи.
Заковат-ла сақланар қалб жаҳлдан,
Бахт бешиги ясалгай илм, ақлдан.
Ўрганамиз илм-ла дин-диёнатни,
Фарзу вожиб, суннату сир-синоатни.
Илм иста, ғафлатга ҳеч кўнмагин,
Бекор сўзлаб, узун ухлаб, сўнмагин.
Илмсиз қалб бўлармиди саломат?
Дардинг борми, йўқ ишингда давомат.
Илм йўллар сени рушду ҳидоятга
Ва олгайдир ихлосингни ҳимоятга.
Илм иста, бўлгин омон, эй дўстим,
Шунда жаннат йўли осон, эй дўстим.
Ибодуллоҳ Аҳроров
Тошкент ислом институти ўқитувчиси
(“Ҳидоят”журнали 2002, 2 сон)
Хориждаги юртдошларимиз учун қулай янгилик!
Хорижда истиқомат қилаётган ҳамюртларимизнинг диний савол-жавобларга бўлган эҳтиёжларини енгиллаштириш мақсадида Ўзбекистон мусулмонлари идораси Фатво маркази томонидан масофавий мурожаат хизмати янада такомиллаштирилди.
Эндиликда мусофирдаги ватандошларимиз учун махсус @fatvouz_musofir_bot телеграм боти ишга туширилди!
@fatvouz_musofir_bot имкониятлари:
-
Саволингизни ёзинг — бот бой фатволар базасидан сизни қизиқтирган саволга зудлик билан жавоб топиб беради.
-
Агар базадан керакли жавоб топилмаса, саволингизни уламоларга ёзма равишда юбориб, тез ва муфассал жавоб олишингиз мумкин.
-
Зарурат туғилганда, Фатво маркази мутахассислари билан бевосита қўнғироқ орқали боғланиш имконияти мавжуд.
Мусофир юртдошларимиз учун ишончли диний манба:
Дўстларингиз ва яқинларингизга ҳам улашинг!
Ўзбекистон мусулмонлари идораси
Матбуот хизмати
