Рамазон ойи 24 апрелдан бошланади
Ўзбекистон Республикаси Президенти Шавкат Мирзиёев “Муборак Рамазон ойини муносиб тарзда ўтказиш тўғрисида”ги қарорни имзолади. Унга кўра, 2020 йил муборак Рамазон ойининг бошланиши 24 апрель кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинмоқда.
Ўзбекистон мусулмонлари идораси уламолари томонидан Ислом дини манбалари ва астрономик маълумотларга таянган ҳолда 2020 йилда Рамазон ойининг биринчи куни шу йил 24 апрель, жума кунига тўғри келиши ҳақида хулоса қилинган.
Ўзбекистон мусулмонлари идораси Матбуот хизмати
----
? РАМАЗОН – РАҲМАТ, МАҒФИРАТ ВА ДЎЗАХДАН ОМОН БЎЛИШ ОЙИ
? ТАРОВИҲ НАМОЗИ ҚАНДАЙ АДО ЭТИЛАДИ?
⚡️ ЗАКОТГА ОИД КЎП ТАКРОРЛАНАДИГАН САВОЛЛАР ВА УЛАРНИНГ ЖАВОБЛАРИ
Бухорода имконияти чекланганлар учун маърифий суҳбат бўлиб ўтди
Бухоро шаҳридаги «Абу Бакр ас-Сиддиқ» жоме масжидида гапириш ва эшитишда нуқсони бўлган фуқаролар учун навбатдаги маънавий-маърифий тадбир бўлиб ўтди.
Ўзбекистон мусулмонлари идораси Бухоро вилояти вакиллиги ташаббуси билан ташкил этилган суҳбатни имом-хатиб Ориф домла Тўқсонов олиб борди. «Қалб поклиги — руҳий тарбия асоси» мавзусида кечган суҳбат малакали сурдо таржимони воситасида иштирокчиларга етказилди.
Учрашув давомида қатнашчилар ақида, фиқҳ ва ижтимоий ҳаётга оид саволларига батафсил жавоб олдилар. Тадбир якунида иштирокчиларга хайрия эҳсонлари тарқатилди.
Ўзбекистон мусулмонлари идораси
Матбуот хизмати
