Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.

Эй Роббим! Бизни ҳисоб қилинмасдан ва азобга йўлиқмасдан Жаннатингга кирувчи бандаларингдан қилгин, омин!

*****

Момақалдироқ гумбурлаганда, ҳазрати Умар розияллоҳу анҳу: «Раҳматининг овози шунчалик бўлса, азобининг овози қандай экан?!» дедилар.

*****

Учта нарса сиздан пул талаб қилмайди:

1. Инсонларнинг юзига табассум билан боқиш.
2. Инсонларнинг орасида саломни кенг ёйиш.
3. Ёқимли сўз.

“Ховатир роқия журнали”

*****

• Ноқис одамгина ичиқоралик қилади.
• Иши юришмаган одамгина ҳасад қилади.
• Мунофиқ одам ғийбат қилади.
• Заиф одамгина фитна чиқаради.
• Бекорчи, ичи бўш одамгина сафсата сотиб, маҳмадоналик қилади.

*****

Муваффақиятсизликка учраганлар икки қисмга бўлинади:

1. Бирор иш қилмай, фақат ўйлайдиганлар.
2. Ҳеч ўйламасдан иш қиладиганлар.

Интернет материалларидан тўплаб,

таржима қилувчи Нозимжон Иминжонов