Сайт тест ҳолатида ишламоқда!
23 Январ, 2025   |   23 Ражаб, 1446
search icon
Aввалги сайт
O`Z РУ EN AR

Тошкент шаҳри
Бомдод
06:20
Қуёш
07:42
Пешин
12:40
Аср
15:47
Шом
17:31
Хуфтон
18:48
Bismillah
23 Январ, 2025, 23 Ражаб, 1446
Aввалги сайт
#search
 YouTube

“Ал-Азҳар” мажмуаси раҳбари Имом Бухорий мажмуасини зиёрат қилди

3.03.2020   2155   1 min.
“Ал-Азҳар” мажмуаси раҳбари Имом Бухорий мажмуасини зиёрат қилди

Самарқандда ўтказилаётган “Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференцияда иштирок этиш учун ташриф буюрган “Ал-Азҳар” мажмуаси раҳбари, Миср Бош имоми Шайх Аҳмад Таййиб Ўзбекистон мусулмонлари идораси раиси, муфтий Усмонхон Алимов ҳамроҳлигида Имом Бухорий мажмуасини зиёрат қилди. 

Қуръон тиловат қилинди.

 
photo5400175631414701418.jpg

Миср Бош имомига мазкур мажмуа тарихи, айни пайтда бу ерда амалга оширилиши режалаштирилган реконструкция ишлари ҳақида маълумот берилди.

Шундан сўнг юқори мартабали меҳмон давлатимиз раҳбари ташаббуси билан ташкил этилган Имом Бухорий халқаро илмий-тадқиқот маркази ва Ҳадис илми мактаби фаолияти билан танишди. Халқаро марказ музейи ва бу ерда сақланаётган нодир асарларни ҳайрат билан кузатди.
 
photo5400175631414701412.jpg

Муассасалар илмий ходим ва тингловчилари билан суҳбат чоғида Шайх Аҳмад Таййиб уларни Имом Бухорий, Имом Мотуридий, Имом Термизийдек улуғ аждодларга муносиб олим бўлиб етишишга даъват этди. Бунинг учун яратилган шароит ва имкониятларга юксак баҳо берди. 

“Ал-Азҳар” мажмуаси раҳбари халқаро марказ ва ҳадис илми мактаби фахрий меҳмонлар китобига дил сўзларини ёзиб қолдирди.
 
photo5400175631414701411.jpg
 

 

138
Ғ.ҲАСАНОВ, А.ИСРОИЛОВ (сурат), ЎзА
Ўзбекистон янгиликлари
Бошқа мақолалар

Фақирликдан қутулиш учун

17.01.2025   10652   1 min.
Фақирликдан қутулиш учун

Уйдан фақирликни қувишда Ихлос сурасини ўқиш ҳақида

Саҳл ибн Саъд Суъадий розияллоҳу анҳудан ривоят қилади, ансорлардан бир киши Набий соллаллоҳу алайҳи васалламнинг олдиларига келиб фақирлик ва яшаш қийинлигидан шикоят қилди.

Расулуллоҳ соллаллоҳу алайҳи васаллам унга: “Уйингга кирсанг, уйда бирон ким бўлса салом бер. Ҳеч ким бўлмаса менга саловот айт ва “Қул ҳуваллоҳу аҳад”ни бир марта ўқи”, дедилар.

У киши шундай қилганди, Аллоҳ таоло унга мўл ризқ ато этди, ризқини кўпайиб берди ва ҳатто (орттириб) қўшниларига эҳсон қила бошлади.

“Тафсири Абул футуҳ” ва “Мустадрок”дан