29 Апрел, 2025, 1 Зулқаъда, 1446
29 Апрел, 2025, 1 Зулқаъда, 1446
Президентимиз Шавкат Мирзиёевнинг Олий Мажлисга Мурожаатномасини тинглар эканмиз, кўз ўнгимизда яқин беш йилликда эътибор қаратилиши ва амалга оширилиши зурур бўлган ислоҳотлар, устувор йўналишлар ва вазифалар кўлами намоён бўлди ва ич-ичимиздан мамлакатимиз тараққиётида янги давр бошланаётганини ҳис этдик.
Ушбу Мурожаатномада давлатимиз раҳбари юритаётган сиёсат, энг аввало, халқ манфаатига, юртдошларимиз ҳаётини юксалтиришга қаратилгани яна бир карра ўз исботини топди. Президентимиз таъкидлаганидек, бундан кейин ҳам халқимиз ҳаётини тубдан яхшилаш бўйича олиб бораётган кенг кўламли ижтимоий ислоҳотлар давом эттирилади, биринчи навбатда, аҳоли фаровонлигини ошириш ва унинг ижтимоий ҳимоясини кучайтириш – биз учун бош вазифалардан бўлиб қолаверади.
Албатта, бундай тарихий юксалишлар жараёнида ватан равнақи, халқ фаровонлиги учун хизмат қилиш, биз – имом-хатиблар, илм аҳли, дин хизматчиларининг ҳам бурчидир. Чунки, дунёда кўплаб мамлакатларга соя солаётган жаҳолат кўланкаси бор экан, бизнинг хотиржамликка берилишга асло ҳаққимиз йўқ. Зотан, олдимизга қўйган юксак мақсадларимизга фақатгина тинч, озод ва обод юртдагина эришиш мумкин. Ватанимиз тинчлигини бардавомлиги жамиятда миллатлараро тотувлик, диний бағрикенглик муҳитини мустаҳкамлаш, фарзандларимизни илму маърифат соҳиби қилиб тарбиялаш билан бўлади.
Қолаверса, халқимиз неча асрлардан бери эътиқод қилиб келаётган ислом ҳам илм ва маърифат динидир. Дунёда исломчалик илм-маърифат ўрганиш ва ўргатишга катта аҳамият берган дин йўқ. Ислом динининг муқаддаси китоби – “Қуръони карим” ҳам “Ўқи” амри билан нозил бўла бошлаган. “Мусҳафи шариф”да илм тўғрисида 811 жойда зикр қилинган. Пайғамбаримиз ҳам “Илм талаб қилиш ҳар бир мусулмонга фарздир”, деб марҳамат қилганлар.
Мамлакатимизда бундан буён ҳам “жаҳолатга қарши – маърифат” ғояси асосида ислом динининг инсонпарварлик моҳиятини, тинчлик ва дўстлик каби олижаноб хусусиятларини тарғиб қилувчи эзгу ҳаракатлар давом эттирилади. Хусусан, ислом дини равнақига улкан ҳисса қўшган ҳадис илмининг султони Имом Бухорий, калом илми асосчиси Абу Мансур Мотуридий ва унинг давомчиси Абу Муин Насафийнинг ҳаёти, илмий меросига бағишланган ҳамда диний бағрикенглик мавзуларида халқаро илмий-амалий конференциялар, юқори даражадаги тадбирлар ташкил этилади. Шунингдек, Имом Бухорийнинг Самарқанддаги ёдгорлик мажмуасини бу мўътабар зотнинг мусулмон дунёсидаги улуғ мақомига мос равишда мутлақо янги лойиҳа асосида қайта барпо этиш, буюк аллома Баҳовуддин Нақшбанднинг 700 йиллик таваллуд айёмини юқори савияда ўтказиш режалаштирилган.
Албатта, Президентимизнинг улуғ уламоларимизга кўрсатаётган эҳтиромини, уларнинг илмий меросларини чуқур ўрганиш учун яратаётган шароиту имкониятларини биз, дин хизматчилари ўзимиз учун юксак эътибор ва ишонч, деб қабул қиламиз. Бунга жавобан, биз ҳам ватанимиз ва халқимиз учун бел боғлаб, хизмат қилиш, бор билим, имконияту салоҳиятимизни сафарбар этишга тайёрмиз. Зеро, давлатимиз раҳбари таъбири билан айтганда, халқимиз биздан рози бўлса, Ҳақ ҳам рози бўлади.
Азимжон АЛИМЖОНОВ,
Тошкент шаҳри
Мирзо Улуғбек туманидаги
“Мулла Қосим” жоме масжиди
имом-хатиби.
100 та СИР-АСРОРЛИ ИБОРА
ёхуд
ОДАМЛАР БИЛАН
МУЛОҚОТ (оила, уй, ишхона, жамоат жойлари) ДАГИ
100 та “СЕҲРЛИ СЎЗ”
ни
УЛУҒ УСТОЗ УЛАМОЛАРИМИЗ баён қилиб берганлар:
(4-қисм)
1) Ассалому алайкум!
2) Катта раҳмат Сизга!
3) Умрбод миннатдорман Сиздан!
4) Умрингиз узоқ бўлсин!
5) Хўп бўлади!
6) Минг бор узр сўрайман Сиздан!
7) Кечирасиз!..
8) Сиздан кечирим сўрайман!
9) Мендан ўтди! Узр сўрайман! Кечиринг!
10) Сиз нима десангиз – шу!
11) Сизнинг гапингиз – мен учун қонун!
12) Сизнинг гапингиз – биз учун қонун!
13) Лаббай?!?
14) Эшитаман?!?
15) Амрингизга мунтазирман!
16) Миннатдорман!
17) Жуда тўғри айтдингиз!
18) Тўғри айтасиз!
19) Гапингиз ниҳоятда тўғри!
20) Фикрингиз жуда маъқул!
21) Илтимос Сиздан, кечиринг!..
22) Илтимос, мени кечиринг!..
23) Тўғри айтдингиз!
24) Сизни жуда яхши тушуниб турибман!
25) Қўлларингиз дард кўрмасин!
26) Сизга гап йўқ!
27) Жуда чиройли!
28) Жуда-жуда маъқул!
29) Бу ҳам яхшиликка!
30) Бунда ҳам бир ҳикмат бор!..
31) Муаммо йўқ!
32) Ҳеч қандай муаммо йўқ!
33) Ҳеч қандай эътирозим йўқ!
34) Овора бўлманг!
35) Асло овора бўлманг!
36) Ҳечам овора бўлманг!
37) Сизни овора қилганим учун минг бор узр сўрайман Сиздан!
38) Ҳижолат бўлманг!
39) Яхши кунларингизда қайтарайлик!
40) Тўйларингизда қайтарайлик!
41) Доим хизматларингиздамиз!
42) Кўнглингиз тўқ бўлсин!
43) Худо хоҳласа, ҳаммаси яхши бўлади!
44) Борингизга шукр!
45) Минг бор узр!
46) Минг бор-минг бор узр!
47) Зўр чиқибди, ярашибди!
48) Минг бор-минг бор узр сўрайман сиздан!
49) Мен хато қилдим, узр, кечирасиз!
50) Айбимни тан оламан, кечирасиз!
51) Узр-узр-узр!
52) Иккинчи ундай қилмайман, кечиринг!
53) Бошқа такрорланмайди, кечирасиз!
54) Бир қошиқ қонимдан кечинг!
55) “Бунда ҳам бир ҳикмат бор...” дейилади-ю ўзи...
56) Катта илтимос Сиздан!
57) Билмай қолибман, узр, кечирасиз!
58) Ўтиниб сўрайман Сиздан!
59) Мана шу хислатингизга тан бераман-да!
60) Шу феълингизга гап йўқ-да!
61) Сиздан роса ҳам миннатдорман!
62) Ташаккурларим Сизга!
63) Эътиборингиз учун катта раҳмат Сизга!
64) Сизга катта раҳмат меҳрли эътиборингиз учун!
65) Меҳрли эътиборингиз учун Сизга катта раҳмат!
66) Сиз нима десангиз – шу!
67) Сиз қандай айтсангиз, худди шундай бўлади!
68) Бажарамиз! Хўп бўлади!
69) Зўр!
70) Жуда-жуда зўр!
71) Гап йўқ!
72) Қойил!
73) Жуда ажойиб!
74) Жуда ҳам чиройли!
75) Мутлақо гап йўқ!
76) Сизга ёқса – бўлди!
77) Сизга ёққани – бизга ёққани!
78) Ана энди кўнгилдагидай бўлди!
79) Мана энди хотиржам бўлдим!
80) Хизматингиздаман!
81) Ўзингизни эҳтиёт қилинг!
82) Доим соғ-омон бўлинг!
83) Ҳорманг!
84) Жуда хурсанд бўлдим!
85) Мен Сиздан кечирим сўрайман!
86) Зўр чиқибди!
87) Жуда ҳам зўр чиқибди!
88) Олдиндан катта раҳмат Сизга!
89) Умуман гап йўқ!
90) Гап бўлиши мумкин эмас!
91) Сизнинг ҳурматингиз биз учун чексиз!
92) Сизнинг ҳурматингиз мен учун чексиз!
93) Тарбиянгизга қойил қолдим!
94) Сизга тарбия берган Ота-онангизга минг раҳмат!
95) Тан бердим!
96) Тан бермасдан иложи йўқ!
97) Офарин!
98) Узр! Узр! Узр!
99) Мени кечиринг, илтимос Сиздан!
100) Минг-минг-минг бор кечирим сўрайман Сиздан!
Чегараси йўқ) ...
*СИЗ яна қўшишингиз мумкин...
**ЭНГ муҳими: жумлаларни ЎЗ ВАҚТИДА ва ЎЗ ЎРНИДА ишлатиш !!!
***ЭНГ асосийси: ушбу сўзлар фақат ТИЛдан эмас, балки ДИЛ (!) дан чиқсагина СИР-АСРОРЛИ ва “СЕҲРЛИ” бўлади...
Меҳрибон Парвардигоримиз ўзларимизни ҳам, фарзанд-зурриётларимизни ҳам Ўзи буюрган, Жаноби Пайғамбаримиз саллаллоҳу алайҳи васаллам тавсия этган, ўтмишда ўтганларимизнинг руҳлари шод бўладиган, халқимиз хурсанд бўладиган, ота-оналаримиз рози бўладиган йўллардан юришимизни насиб этсин!
Иброҳимжон домла Иномов.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 