Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.

Эй Роббим! Ўлимимиз пайтида калимаи шаҳодатни айтишни тилимизга осон қилгин, омин!!!

*****

Эй Роббим, мени ушбу тўрт тоифанинг:

Мен ҳақимда яхши гап эшитиб, уни беркитадиган;

Мен ҳақимда ёмон гап эшитиб, уни тарқатадиган;

Ортимдан мени ғийбат қиладиган;

Ҳаётимни ҳасад ва адоват ила кузатадиган кишиларнинг ёмонлигидан асрагин.

*****

Қабримиз кенг бўлиши учун ҳаракат қилайлик!

Қабринг сиққанида ҳолинг нима кечади? Қанчалик азоб ва машаққат ичра қолишингни ўйлаб кўр!

Қабримиз кенг бўлиши учун яхши амаллар қилайлик!

Эй Аллоҳ! Бизларнинг қабримизни Ўзинг кенг ва нурли қилгин, омин!

*****

Сенинг бировга қизиғинг бўлмаса ҳам, онангга қизиғинг бор.

Барча томошабин инсонлар сендан юз ўгирса ҳам, онанг барчанинг ўрнини босади.

*****

Ким мусулмонларга қарши сўзлашда тилига эрк берса ва айбларини кавласa, ўлим чоғида Аллоҳ уни шаҳодат калимасини айтишдан тутиб қолади.

Ибн Жавзий раҳимаҳуллоҳ, “Баҳруд-думуъ” китобидан

*****

Энг яхши устозлар

Соф эътиқодли, қаттиққўллик қилиб, ўтган дарсини ўқувчилардан талаб қиладиган, ўқимаганга аямай паст баҳо қўядиган, ундан яхши баҳо олиш учун ўқишдан бошқа чора қолдирмайдиган, баҳо қўйиш учун асло пул олмайдиган, ҳар дарсга яхши тайёрланиб келиб, шогирдларига нимадир беришга уринадиган, ўз касбини фидокори бўлган устозлар энг яхши, меҳрибон, ҳалол устозлардир.

Интернет материалларидан тўплаб, таржима қилувчи

Нозимжон Иминжонов