Сайт тест ҳолатида ишламоқда!
18 Март, 2025   |   18 Рамазон, 1446

Тошкент шаҳри
Бомдод
05:12
Қуёш
06:30
Пешин
12:36
Аср
16:45
Шом
18:36
Хуфтон
19:49
Bismillah
18 Март, 2025, 18 Рамазон, 1446

Ўзбекистон элчихонаси АҚШдаги энг катта масжидлардан бирида брифинг ўтказди

19.12.2019   1919   2 min.
Ўзбекистон элчихонаси АҚШдаги энг катта масжидлардан бирида брифинг ўтказди

Жорий йилнинг 13 декабрь жума куни Ўзбекистоннинг Америка Қўшма Штатлари пойтахтидаги элчихонаси АҚШ ғарбий соҳилидаги энг катта масжид - Виржиния штати, Стерлинг шаҳридаги Даллес мусулмон жамоатчилик маркази (ADAMS Center)да брифинг ўтказди. Бу ҳақда kun.uz нашри хабар беради.

Ушбу тадбир жума намози доирасида ташкил этилди. Унда 800 нафардан ортиқ киши иштирок этган.

Жума намозида мамлакатнинг АҚШдаги элчиси Жавлон Ваҳобов чиқиш қилиб, Қўшма Штатлар мусулмонлари учун Ўзбекистондаги зиёрат туризмининг улкан имкониятлари ҳақида сўзлаб берди. Ўзбекистонлик дипломат жума намозида мамлакатнинг бой тарихий-маданий мероси, анъанавий исломий қадриятларни жамиятда сақлаш ва тарғиб қилиш, шунингдек, мамлакатда диний эркинликни таъминлаш бўйича кўрилаётган чора-тадбирлар тўғрисида батафсил маълумот тақдим этди.

Масжид бош имоми, ADAMS маркази раҳбари Имом Мажид намозхонларга мурожаат қилиб, республика раҳбарияти томонидан ислом дини ғояларини тарғиб қилишга катта аҳамият берилаётганини эътироф этди. «Ўзбекистон исломнинг асл моҳиятини сақлаб қолиб, уни ўқитишнинг илғор тажрибаларини жорий этиш, малакали мутахассислар - исломшунос олимлар тайёрлаш бўйича кучли ўзбек мактабини яратишга муваффақ бўлган мамлакат сифатида жаҳон ҳамжамияти учун намуна», - деди у.

Имом Мажиднинг таъкидлашича, «Ўзбекистон асрлар давомида бунёд этиш муҳити ҳукмрон бўлган, етакчи олимлар ишлаган, илғор илмий ишлар ишлаб чиқилган ислом цивилизациясининг марваридидир». У Имом ал-Бухорийнинг, Ал-Хоразмийнинг, Ибн Синонинг ҳиссасини алоҳида қайд этиб ўтди.

Америкалик имомга кўра, АҚШ мусулмонлар жамоатчилиги орасида миллий туристик брендни янада оммалаштириш учун мустаҳкам асос бўлган бир қатор омиллар мавжуд.

Биринчидан, Ўзбекистон қадимий шаҳарларнинг бой меъморий меросига эга.
Иккинчидан, мамлакатда кўплаб бебаҳо қўлёзмалар сақланмоқда, шу жумладан Усмон Мусҳафи.
Учинчидан, республикада исломий таълимотнинг институционал асослари яратилди.
Тўртинчидан, ҳукумат зиёрат туризмини ривожлантириш механизмларини фаол жорий этмоқда.
Бешинчидан, «Ўзбекистон дунёга кенг очилмоқда».

Жума намозидан сўнг Имом Мажид билан алоҳида учрашув бўлиб ўтди. Музокаралар чоғида амалий ҳамкорликни ривожлантириш масалалари муҳокама қилинди. Жумладан, америкалик мусулмонлар гуруҳларини мунтазам равишда Ўзбекистонга юбориш масаласи кўриб чиқилди.

Ўзбекистон мусулмонлари идораси Матбуот хизмати

Ўзбекистон янгиликлари
Бошқа мақолалар
Янгиликлар

Илм аҳли ҳурмат ва эъзозга лойиқ

14.03.2025   9157   1 min.
Илм аҳли ҳурмат ва эъзозга лойиқ

Ислом илм эгаларини қадрлайдиган улуғ диндир. Аллоҳ Қуръони каримда илм эгаларини мақтаб, уларни юксак даражаларга кўтариши ҳақида ваъда берган. Пайғамбаримиз соллаллоҳу алайҳи ва саллам ҳам илм эгаларининг қадри ва шарафи ҳақида шундай деганлар:
 

“Аллоҳ, Унинг фаришталари, осмон ва Ер аҳолиси, ҳатто уясидаги чумоли ва денгиздаги балиқлар ҳам одамларга яхшилик ўргатувчи олимларга мағфират тилаб дуо қилишади” (Имом Термизий).


Одамларга ҳалол-ҳаром, оқу-қорани ўргатадиган олимларнинг шарафи шу даражада. Аллоҳ жамики жонзотларга илм эгаларини ҳурмат қилишни, уларнинг ҳаққига дуо қилишни, қадрига етишни тайинлаган ва таълим берган. Шунинг учун ҳар биримиз илм эгаларини қадрлашимиз, кўнглини олишимиз, уларнинг ҳаққига мағфират сўраб дуо қилишимиз керак.


Ўзбекистон мусулмонлари идораси Андижон вилояти вакилиги ва “Вақф” хайрия жамоат фонди вилоят филиали ҳамкорлигида ташкил этилган тадбирдан кўзланган мақсад ҳам шундан иборат эди. Шу куни Андижон шаҳрида жойлашган Саййид Муҳйиддин маҳдум ўрта махсус ислом билим юртида ифторлик дастурхони ёзилди. 250 нафар мударрис-ўқитувчилар, ишчи-хизматчи ходимлар ва талабалар иштирок этган тадбирда вилоят бош имом хатиби Мирзамақсуд домла Алимов илм аҳлининг жамият тараққиётидаги ўрни ҳақида тўхталиб ўтди. Мударрис талабалар ҳаққига дуо қилди.

Дину диёнатни ўргатадиган устозларни, илму толибларни эъзозланганлар Аллоҳнинг улкан ажру савобларига эришсин!

Vaqf.uz

 

 

Илм аҳли ҳурмат ва эъзозга лойиқ Илм аҳли ҳурмат ва эъзозга лойиқ Илм аҳли ҳурмат ва эъзозга лойиқ
МАҚОЛА