Тарихдаги энг қисқа мактуб ва хутба
Тарихда энг қисқа ва балоғатли мактублар, мавъизалар кўп бўлган. Шулардан иккита ибратлисини келтирамиз.
“Умар ибн Хаттоб (розияллоҳу анҳу)дан Амр ибн Осс (розияллоҳу анҳу)га:
“Менга етиб келган хабарга кўра, ҳукм мажлисларида суяниб ўтирар экансан. Эй Осснинг ўғли, тавозеъ билан ўтир! Акс ҳолда ҳокимликдан оламан. Кийим кийишга кўп эътибор берма! Аллоҳдан қўрқиш ва (гуноҳларинг учун) надомат либосини кий! Агар киши учун ўз кийимларида шараф бўлганида, у энг гўзал либосларини Ҳарамда ечмаган бўларди”.
Маълумки, Саудия Арабистонига Ҳаж ва Умра қилиш ниятида борадиган одам Ҳарам ҳудудига киришдан олдин белгиланган жойда барча либосларини ечиб, эҳром кийиб олади.
*****
Яқин тарихдаги энг қисқа ва маъноли хутба
Бу воқеа Тунисдаги Зайтуна жомеъсида бўлган эди. Мамлакат муфтийси Муҳаммад Тоҳур ибн Ошур раҳимаҳуллоҳ Жумъа куни минбарга чиқиб, намозхонларга юзланиб, “Бозорлардаги аёллар кимники?” деб сўради. Намозхонлар сукутда. Имом яна “Бозорлардаги аёллар кимники?” дея саволини такрорлади. Бу сафар ҳам намозхонлар жим.
Шунда улуғ муфтий: “Модомики, аёлларингиз очиқ-сочиқ, ярим-яланғоч экан, ўқиган намозларингизда яхшилик йўқдир. Такбир айтинг!” деди.
Интернет маълумотлари асосида Нозимжон Ҳошимжон тайёрлади
Исломга амал қилиб яшаш – ўрта асрларга қайтиб кун кечириш дегани эмас
Бисмиллаҳир Роҳманир Роҳийм
Дин биздан бугунги ўзлигимиздан воз кечишни ҳам талаб қилмайди.
Ислом дини илм-фан, кашфиётлар ва дунёвий тараққиётга ҳеч қачон қарши бўлмаган, аксинча, мусулмонларни доимо изланишга ундаган. Динга амал қилиш замон ва макондан узилиб қолишни англатмайди.
Ислом ўз эътиқод қилувчиларидан ўз маданиятини унутишни ва маълум бир бошқарув шаклини мажбурият қилиб олишни талаб қилмайди.
Шариат маҳаллий халқларнинг Ислом ақидасига зид бўлмаган урф-одатлари ва маданиятини инкор қилмайди, балки уларни ҳурмат қилади.
Шавқий Аллом – Миср собиқ муфтийси
Дунё уламолари мурожаати китобидан