16 Январ, 2025, 16 Ражаб, 1446
16 Январ, 2025, 16 Ражаб, 1446
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Мусибат фақат ёмонларнинг зулм қилиши эмас, балки яхшиларнинг жим туриши ҳамдир.
“Тарих муҳрлаган сўзлар”
*****
Ким ошқозонига (нима кириб-чиқаётганига) эътибор бермаса, бошқа нарсаларга ҳам эътибор бермайди.
“Тарих муҳрлаган сўзлар”
*****
Одамлар сокинлик пайтида бир хилдирлар. Машаққатли дамларда эса уларнинг қандайликлари маълум бўлади.
Ибн Халдун раҳимаҳуллоҳ
*****
Курашаётган пайтимда йўқ бўлиб қолган бўлсанг, ғалаба қозонганимда ёнимда бор бўлиб қолишни ўйлама!
“Тарих муҳрлаган сўзлар”
*****
Ҳақни билишнинг ўзи билан тўхтаб қолмаслик керак. Натижаси қандай бўлишидан қатъи назар ҳақни гапириш ҳам керак!
“Тарих муҳрлаган сўзлар”
*****
Адолат қарор топганда, ҳатто ҳайвонлар ҳам тартиб-интизомга амал қилади.
Иброҳим Фиқий
*****
“Ҳамма одамларни рози қилиш” деган қонуният мени қамраб олмайди.
“Тарих муҳрлаган сўзлар”
*****
“Мени фалончи юборди” деган гап 10 йиллик тажриба ва 5 та дипломга тенг бўлиб қолди.
“Тарих муҳрлаган сўзлар”
*****
Араб бўла туриб, ўзингга ўхшаган араб билан инглиз тилида гаплашишинг сенинг маданиятли, зиёли эканингни мутлақо англатмайди. Балки ўз тилингни билмайдиган жоҳил, унинг гўзалликларидан маҳрум бир кимса эканингни англатади.
Нажиб Маҳфуз
Ўзбек бўла туриб, ўз тилида гаплашишни ўзига эп кўрмай, бир-бири билан русча гаплашадиган кимсаларга ҳам мос тушар экан.
*****
Ҳурматга лойиқ бўлиб, унга эришолмаслигинг ҳурматга лойиқ бўлмай, унга эришганингдан яхшироқдир.
Марк Твен
*****
Интернет материалларидан тўплаб,
таржима қилувчи Нозимжон Иминжонов
Шу йил 13-16 январь кунлари Икки муқаддас масжид ходими, Саудия Арабистони Подшоҳи Салмон бин Абдулазиз Ол Сауд шафеълигида ўтказилаётган Ҳаж анжуманида Ўзбекистон делегацияси фаол иштирок этмоқда.
Жидда шаҳрида бўлиб ўтаётган конференция-кўргазмада 100 га яқин давлатдан вазирлар, муфтийлар, олимлар, фан докторлари, академиклар, экспертлар, тадқиқотчилар, дипломатлар ҳамда ҳаж тадбирларини ташкил этишга мутасадди идора ва компаниялар қатнашмоқда.
Дин ишлари бўйича қўмита раиси Содиқжон Тошбоев ва муфтий Шайх Нуриддин Холиқназар ҳазратлари бошчиликларидаги Ўзбекистон делегацияси “Ҳаж – 2025” мавсумини юқори даражада ташкил этиш мақсадида, анжуман доирасида Саудия Арабистонидаги вазирликлар, хизмат кўрсатувчи ташкилотлар ва соҳа мутахассислари билан музокаралар ўтказиб, атрофлича ўрганишлар ва қиёсий таҳлиллар олиб бормоқда.
Шунингдек, ҳаж мавсумига тайёргарлик ишлари ва янги тартиб-қоидалар тўғрисида маълумотларга эга бўлинмоқда. Ўз навбатида, Ўзбекистон ҳукумати томонидан амалга оширлаётган ҳаж ва умра сафарлари йўналишидаги ташкилий-ҳуқуқий асослар ва рақамлаштириш жараёнлари ҳақида маълумотлар тақдим этилмоқда.
Ҳаж ва умра вазирлиги томонидан ўтказилаётган конференция доирасидаги шўъбалар, ҳаж суҳбатлари, экспертлар тавсиялари, турли соҳа мутахассислари семинар-тренинглари, хорижий делегатлар билан тажриба алмашиш ва замонавий хизматлар тақдимотлари фойдали бўлмоқда.
Маълумот учун, Ҳаж конференцияси тўртинчи марта йирик масштабда бўлиб ўтмоқда. Инновацион дастурлар, илғор ташаббуслар, тажриба алмашиш, ҳаж сафарини юқори савияда ўтказишга оид билимларни ошириш ва муборак зиёратларни чиройли бажариш учун мустаҳкам пойдевор ҳозирлаши билан ушбу тадбир улкан муваффақиятларга эришади. Энг йирик кўргазма эса томонлар ўртасидаги ҳамкорликни янада равнақ топтириш орқали хизматлар сифатини оширишга хизмат қилади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа