09 Январ, 2025, 9 Ражаб, 1446
09 Январ, 2025, 9 Ражаб, 1446
Хассина Мисрнинг шимолий-шарқий Дакалия губернаторлигининг Дикирнис шаҳри яқинидаги Кафр Абдул Мўмин номли қишлоқда яшайди. Бу ҳақда iqnanews.ru нашрига таяниб Ислом.уз нашри хабар беради.
У болалигидан кўриш қобилиятини йўқотди. Аммо бу ҳолат унинг учун Қуръонни ёд олишга тўсқинлик қилмади
«Мен ўн ёшимда Қуръони каримни ўргандим», дейди у. — Устозимнинг исми Аҳмад ал-Дамҳужи эди. У ўлимидан олдин мени Қуръон маркази очишга ундади.
80 ёшли аёл ҳозиргача болаларга Қуръони каримни ўргатиб келмоқда. Бугунги кунгача Хассина 50 дан ортиқ қишлоқ аҳолисига Қуръонни ёд олишига сабабчи бўлган. Унинг ўзи ҳар куни Қуръон оятларини унутмаслик учун бир кунда 6 жуз Аллоҳнинг каломини ўқийди. Қуръонда жами 30 та жуз борлиги сабабли, у ҳар беш кунда бир марта Қуръонни хатм қилади.
Ўзбекистон мусулмонлари идораси Матбуот хизмати
Шу йил 3-7 январь кунлари Ўзбекистон мусулмонлари идораси тасарруфидаги олий ва ўрта махсус диний таълим муассасаларининг 237 нафар педагог-ўқитувчилари учун қисқа муддатли малака ошириш ўқувлари ташкил этилди.
Ўқув-машғулотлари махсус режа ва дарс жадвали асосида бўлиб ўтди. Дарслар замонавий ахборот технологиялари ва интерфаол услублар ёрдамида ўтилди. Унга Олий таълим, фан ва инновациялар вазирлиги ҳудудий бошқармалари, юртимиздаги етакчи олий таълим муассасаларидан маърузачилар таклиф қилинди.
Малака ошириш давомида педагог-ўқитувчиларнинг давлат ва дин муносабатлари, ўқув жараёнида педагогик технологиялардан унумли фойдаланишда билим ва кўникмаларини юксалтириш, талабалар орасида мутаассиблик ва радикаллашувнинг олдини олиш, таълим муассасаларида ижтимоий-маънавий муҳитни янада соғломлаштириш бўйича масъулиятини ошириш масалаларига алоҳида эътибор қаратилди.
Мазкур ўқув-машғулотларни муваффақиятли тамомлаган тингловчиларга сертификатлар тақдим этилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 