24 Ноябр, 2024, 23 Жумадул аввал, 1446
24 Ноябр, 2024, 23 Жумадул аввал, 1446
Нурсултон шаҳридаги “Ҳазрат Султон” масжиди имоми Мақсатбек Қаирғалиев навбатдаги ҳаж мавсумига бағишланган матбуот анжуманида нима учун қарз-ҳавола қилиб ҳаж амалини бажариб бўлмаслигини изоҳлаб берди.
“Ислом динининг шартларидан бири бўлмиш ҳаж амалини бажариш учун бировдан қарз ёки кредит олиб бўлмайди. Негаки, ҳаж сафари харажатларига ва сафарга бориб келгунича фарзандларини харажатларига етадиган маблағга эга бўлган кишигагина ҳаж фарз бўлади. Яъни, шу харажатларни қоплашга имконияти бор кишигина ҳаж амалини бажариши мумкин”, - деди имом.
Унинг фикрига кўра, бунга у ҳам моддий, ҳам руҳий, ҳам соғлиқ жиҳатдан тайёр бўлиши керак.
“Ҳозир шундай имкониятга эга эмас экан, у кейинги йилгача пул тўплаши ва ҳаж амалини бажарса бўлади. Ташқаридан маблағ жалб қилиш, кимдандир қарз олишга эҳтиёж йўқ”, деди Мақсатбек Қаирғалиев.
Айтилишича, шу йилнинг 31 июлидан 20 августга қадар Қозоғистондан ажратилган квота бўйича 3200 нафар инсон ҳаж амалини бажаради. Бўлажак ҳожиларга қозоғистонлик «Scat» ва саудиялик «FlyNas» авиакомпаниялари хизмат кўрсатишади. Биринчи рейс Оқтов ва Чимкент шаҳарларидан бўлиши режалаштирилган.
Ўзбекистон мусулмонлари идораси Матбуот хизмати
Сўнгги йилларни ўз ичига олган давр илмий ва эксперт доиралар томонидан Ўзбекистон тараққиётининг янги босқичи деб аталмоқда. Ушбу қисқа вақт ичида Ўзбекистонда турли соҳаларда амалга оширилган ислоҳотлар давлат ва жамиятнинг жадал ривожланишига эришиш, халқ фаровонлиги ва осойишталигини таъминлашга хизмат қилмоқда.
Ўтган қисқа вақт давомида Ўзбекистон Республикаси Президенти Шавкат Мирзиёев томонидан диний-маърифий соҳа фаолиятини тубдан такомиллаштиришга қаратилган муҳим ташаббуслар илгари сурилди. Биринчидан, 2016-йилнинг 18-октабрида Тошкентда Ислом ҳамкорлик ташкилоти Ташқи ишлар вазирлари кенгаши 43-сессияси йиғилишида Ўзбекистон Президенти томонидан Самарқандда Имом Бухорий халқаро илмий-тадқиқот марказини ташкил этиш ташаббуси илгари сурилди.
Иккинчидан, Ўзбекистон Республикаси Президенти 2017-йилда Бирлашган Миллатлар Ташкилоти Бош Ассамблеясининг 72-сессиясида иштирок этиб, халқаро майдонда ислом динига нисбатан кузатилаётган бир ёқлама салбий муносабатга нисбатан ўзининг қатъий позициясини мухтасар ифода қилиб, жумладан шундай деди: “Биз муқаддас динимизни зўравонлик ва қон тўкиш билан бир қаторга қўядиганларни қатъий қоралаймиз ва улар билан ҳеч қачон муроса қила олмаймиз. Ислом дини бизни эзгулик ва тинчликка, асл инсоний фазилатларни асраб-авайлашга даъват этади”.
Бирлашган Миллатлар Ташкилотида Ўзбекистон раҳбари жаҳон ҳамжамиятига Ўзбекистондаги Ислом цивилизацияси марказини ташкил этиш лойиҳаси ҳақида сўзлади. Ислом цивилизацияси маркази ўз ғояси ва аҳамиятига кўра бетакрор лойиҳа бўлиб, ислом динининг илмий-маънавий бойлиги, бунёдкорлик салоҳиятини намойиш этишга қаратилган.
Ғайрат РАСУЛОВ,
Ўзбекистон халқаро ислом академияси
“Ислом тарихи ва манбашунослиги ИРCИCА” кафедраси мудири
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 