12 Феврал, 2025, 13 Шаъбон, 1446
12 Феврал, 2025, 13 Шаъбон, 1446
Бугун, 19 июль куни Ўзбекистон мусулмонлари идораси тасарруфидаги Имом Бухорий номидаги Тошкент ислом институтига ҳужжат топширган абитуриентлар учун Араб тили фанидан ижодий имтиҳон бўлиб ўтди.
Дастлаб институт ректори Уйғун Ғафуров абитуриентларга имтиҳон жараёни ва тартибини тушунтириб ўтди.
Сўнгра Дин ишлари бўйича қўмита Диний-маърифий таълим муассасалари билан ишлаш бўлими бошлиғи Рустамов Бобомурод сўз олиб, абитуриентларга имтиҳонлардан муваффақият билан ўтишларини тилади.
Ижодий имтиҳон материаллари солинган конверт имтиҳон бошланиши олдидан Ўзбекистон мусулмонлари идораси кузатувчиси, Тошкент ислом институти қабул ҳайъати аъзолари, абитуриентлар ҳамда ота-оналар иштирокида очилиб, бу ҳақда далолатнома тузилди.
Кузатувчилар, ота-оналар имтиҳон учун ажратилган хоналар ва имтиҳон топширувчилар учун яратилган шарт-шароитлар билан танишдилар.
Сўнгра, саволлар солинган конвертлар абитуриентлар томонидан очилиб, навбати билан вариантлар олинди ва улар жавоб беришга тайёрланиш учун ажратилган ўринларга жойлашдилар.
Имтиҳонга Тошкент ислом институти, Халқаро ислом академияси ва Тошкент давлат шарқшунослик институтининг Араб тили фани бўйича мутахассис ўқитучилари жалб этилган.
Ижодий имтиҳон жараёнларида саволларга тайёрланиб бўлган абитуриентлар имтиҳон олувчи ўқитувчилар томонидан савол-жавоб қилиниб, уларнинг билимлари синовдан ўтказилади. Фарзандларига руҳий далда бўлиб, улар билан ҳамроҳ бўлиб келган ота-оналар ва меҳмонлар учун институт ҳудудида салқин ичимликлар ва шинам кутиш жойлари ташкил қилинди. Имтиҳонларни талаб даражасида ўтказиш мақсадида ички ишлар ва тиббиёт ходимлари ҳам жалб қилинди.
Абитуриентлар ижодий имтиҳонда Араб тили фанидан синовдан ўтишмоқда. Тошкент ислом институтига абитуриентларни қабул қилиш тартиби тўғрисидаги низомга кўра, Ақоид, Фиқҳ ва Ўзбекистон тарихи фанларидан тест синовлари эртага 20 июль куни Ўзкўргазмасавдо марказида бўлиб ўтади.
Эслатиб ўтамиз, 2019-2020 ўқув йили учун жами 226 абитуриентлардан аризалар қабул қилинган бўлиб, бу йил Ўзбекистон мусулмонлари идораси томонидан 60 та ўрин ажратилган бўлиб, шундан 10 нафари аёл-қизлардан иборат.
Ўзбекистон мусулмонлари идораси Матбуот хизмати
Шу йилнинг 6 феврал куни Ўзбекистон мусулмонлари идорасида ўрта махсус диний таълим муассасаларининг Маънавий-маърифий ишлар бўйича янги тайинланган мудир (директор) ўринбосарлари билан учрашув бўлиб ўтди.
Унда Ўзбекистон мусулмонлари идораси раисининг биринчи ўринбосари Ҳомиджон Ишматбеков, раис ўринбосари Муҳаммадолим Муҳаммадсиддиқов ҳамда Таълим ва илмий-тадқиқот, Кадрлар ва Ички назорат бўлимларидан вакиллар иштирок этди.
Тадбирда янги тайинланган ходимлар ҳам таништирилиб, таълим муассасаларида маънавий-маърифий йўналиш бўйича амалга оширилиши лозим бўлган ишлар муҳокама қилинди.
Янги раҳбар ходимларга керакли тавсиялар берилиб, хусусан, ёшларнинг ахлоқий ва маънавий тарбиясига алоҳида эътибор қаратиш, уларга миллий ва диний қадриятларимизни сингдириш, замонавий таълим усулларидан самарали фойдаланиш масалалари эслатиб ўтилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа