Саудия Aрабистони Подшоҳлиги Ислом ишлари, даъват ва иршод вазирлиги келгуси якшанба куни 85 давлатнинг вазирлари ва диний ишлар идораси раҳбарлари иштирокида халқаро анжуман ташкил қилади: “Дунёдаги диний ишлар, фатволар ва шайхликлар бошқармалари билан ҳамкорлик муносабатларини мустаҳкамлашга оид “Aлоқа ва интеграция” мавзусидаги халқаро конференцияга мезбонлик қилади.
Мамлакат Ислом ишлари, даъват ва иршод вазири доктор Aбдуллатиф бин Aбдулазиз Ол Шайхнинг таъкидлашича, анжуман еттита асосий мавзуни ўз ичига олади, хусусан, дунёдаги диний ишлар бўлимлари, фатво ва шайхликлар идораларининг Исломга хизмат қилиш, ислом бирлигини мустаҳкамлаш, воқелик ва умид ўртасидаги алоқа ва интеграция, уларнинг халқлар ўртасида бағрикенглик ва осойишталик қадриятларини тарғиб қилиш борасидаги саъй-ҳаракатлари, Қуръон ва суннатда мўътадиллик ва аслият, дунёдаги диний ишлар, фатво ва шайхликлар идораларининг экстремизм ва терроризмга қарши кураш ва уларнинг жамиятни атеизм ва парчаланишдан ҳимоя қилиш борасидаги саъй-ҳаракатлари кабиларни қамраб олади.
Ўзбекистон мусулмонлари идораси
Матбуот хизмати
Бисмиллаҳир Роҳманир Роҳийм
Ажойиб зарбулмасал, сен уни доим кўз ўнгингга қўй!
Бир куни чумоли Аллоҳнинг Байтини ҳаж қилиш учун йўлга тушибди. Унга: “Сен бир чумоли бўлсанг, ҳажга қандай бормоқчисан? Етиб бора олмасдан ўлиб кетишинг аниқку”, дейишди. Чумоли: “У ҳолда шу йўлда ўлган бўламан”, деди.
Сен ҳам ожизлик қилсангда, осийлик қилсангда, Аллоҳнинг йўлида ушбу чумоли каби бўл!
Истиғфор айт ва Роббингга қайт. Қуръон билан бирга бўл ва уни ташлаб қўйма!