18 Ноябр, 2024, 17 Жумадул аввал, 1446
18 Ноябр, 2024, 17 Жумадул аввал, 1446
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Баъзи фақирларни биламан. Уларнинг пулдан бошқа нарсалари йўқ.
“Тарих муҳрлаган сўзлар”
*****
Шундай инсонлар борки, хорижда таълим олишади. Касал бўлишса, хорижда даволанишади. Саёҳатга ҳам хорижга чиқишади. Уларнинг юрт ичида қиладиган ягона ишлари – Ватанга хиёнат қилиш, унинг молини ўғирлашдир.
“Тарих муҳрлаган сўзлар”
*****
Ахлоқнинг асоси – ёлғондан бутунлай тийилишингдир.
“Тарих муҳрлаган сўзлар”
*****
“Тарих муҳрлаган сўзлар”
*****
Ким асоссиз ҳолда яшаса, шарафсиз ҳолда ўлади.
Анис Мансур
*****
Хоҳ ҳозир бўлсин, хоҳ кейин, барча одамлар қилган ишларининг бадалини тўлайдилар.
“Тарих муҳрлаган сўзлар”
*****
Ҳатто муздан покроқ ва қордан тозароқ бўлсанг ҳам, чақимчиликдан қочиб қутулолмайсан.
“Тарих муҳрлаган сўзлар”
*****
Ҳақиқий юз деб ўйлаб юрганларимизнинг юзларидан ниқобнинг тушишидан кўра оғриқлироқ нарса йўқ.
Иброҳим Фиқий
*****
Интернет материалларидан тўплаб, таржима қилувчи
Нозимжон Иминжонов
Бисмиллаҳир Роҳманир Роҳийм
Доктор Атсуши Камал Окуда Токиодаги Кеё университетида сиёсий тизимлардан дарс беради. Доктор Окуда Қуръони каримнинг бир ояти сабабли Исломни қабул қилди. Мусулмон бўлгунига қадар ўз ҳаёти ҳақида бундай деди: “Исломдан олдин ҳаётим жуда тартибсиз эди. Мусулмон бўлганимдан кейин яратилишимизнинг асл ҳақиқатини англадим. Аллоҳ таоло мени ҳидоятига бошлагани ҳаётимдаги энг бахтли кундир”.
Доктор Атсуши Камал ҳаёт ҳақиқатини излаб кўплаб динларни ўрганди, лекин улар унинг саволларига жавоб бера олмас, бундан унинг ҳафсаласи пир бўларди.
Кунларнинг бирида бир мусулмон олимнинг мақоласини ўқиб қолади. Мақоладаги инсониятнинг келиб чиқиши ҳақидаги оятлар Окуданинг эътибори тортади, чунки у ҳеч қачон бунга ўхшаш маълумотларни ўқимаган эди. Доктор Атсуши Камал Окуданинг Исломни қабул қилишига ушбу оят сабаб бўлганди: “Батаҳқиқ, Биз инсонни қуруқ лойдан, ўзгартирилган қора балчиқдан яратдик” (Ҳижр сураси, 26-оят).
Доктор Окуда Ислом тенгликни тарғиб қилувчи дин эканини тушуниб етади. Ислом динини яхшироқ ўрганади ва ниҳоят Исломни қабул қилади.
Бугунги кунда доктор Атсуши Японияда Ислом динини ёйишга хизмат қилмоқда. Исломни қабул қилиш Аллоҳ таолонинг энг улуғ неъмати эканини ҳамиша таъкидлаб келади. Доктор Окуда: “Аллоҳ таоло менга Исломни берди ва буни бошқалар билан баҳам кўришни ўзимнинг бурчим деб биламан” дея кўп бора такрорлайди ва ушбу оятни эслатади: “Албатта, бу Менинг тўғри йўлимдир. Бас, унга эргашинг. Ва бошқа йўлларга эргашманг. Бас, сизни Унинг йўлидан адаштирмасинлар. Мана шу сизга қилган амрки, шояд, тақво қилсангиз” (Анъом сураси, 153-оят).
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 