Фаришталар уялган саҳоба
Имом Муслим раҳимаҳуллоҳ ривоят қилган ҳадисда Оиша онамиз розияллоҳу анҳо шундай деганлар: “Расулуллоҳ соллаллоҳу алайҳи васаллам уйларида ёнбошлаб ётган эдилар. Болдирлари бироз очиқ эди. Абу Бакр (розияллоҳу анҳу) киришга изн сўради. У зот унга ўша ҳолларича (ёнбошлаган ҳолларида) изн бердилар. У кириб, (ҳожатини) гапирди. Кейин Умар (розияллоҳу анҳу) киришга изн сўради. У зот ўша (ёнбошлаган) ҳолда унинг киришига изн бердилар. (У кириб, ҳожатини) гапирди. Кейин Усмон (розияллоҳу анҳу) киришга изн сўради. Расулуллоҳ соллаллоҳу алайҳи васаллам ўтириб олдилар ва кийимларини тузатдилар. У чиқиб кетгач мен: “Эй Расулуллоҳ, Абу Бакр (розияллоҳу анҳу) кирди. Ўрнингиздан турмадингиз, қўзғалмадингиз, парво ҳам қилмадингиз. Кейин Умар кирган эди, унга ҳам ўрнингиздан қўзғалмадингиз, парво ҳам қилмадингиз. Сўнгра Усмон кирганда эса ўтириб олдингиз ва кийимингизни тузатдингиз?!” деган эдим, Расулуллоҳ соллаллоҳу алайҳи васаллам “Фаришталар ҳаё қилиб, уяладиган кишидан мен қандай уялмай?” дедилар”.
Нозимжон Иминжонов таржима қилди
Имом Бухорий номидаги Тошкент ислом институти ҳақида биласизми?
#2025_2026_йиллик_ҳисобот
Имом Бухорий номидаги Тошкент ислом институти 1971 йил ташкил этилган олий диний таълим муассасаси ҳисобланади.
Бугунги кунда институтда:
14 та таркибий бўлимда 91 нафар ходим;
5 та кафедрада 106 нафар профессор-ўқитувчи фаолият юритмоқда.
Институтда жами 594 нафар талаба таҳсил олмоқда. Улардан:
20 нафар магистрант (4 нафар аёл-қиз);
225 нафар бакалавр (57 нафар аёл-қиз);
352 нафар модуль таълим тизими тингловчилари.
Таълим шакллари:
• кундузги бакалавриат;
• кундузги магистратура;
• модуль (махсус сиртқи) таълими.
Таълим муддати:
• бакалавриат — 4 йил;
• магистратура — 2 йил;
• модуль таълимида имомлар — 3 йил;
• имом ноиблари — 4 йил.
Таълим йўналишлари:
Бакалавриат:
• 60220200 — «Исломшунослик»;
• 60220700 — «Теология».
Магистратура:
• 70220701 — «Теология».
Битирувчиларга давлат намунасидаги диплом берилади. Ушбу диплом Ўзбекистон Республикасида олий диний таълим соҳасидаги тегишли мутахассисликлар бўйича бакалавр ва магистр даражасини тасдиқловчи расмий ҳужжат ҳисобланади.
Манзил: Тошкент шаҳри, Олмазор тумани, Зарқайнар 18-берк кўчаси, 47-уй, 100002.
Телефон: (71) 240-03-58
@oliymahad – диний-маърифий канали.
Oliymahad.uz
