Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Ёдингизда тутинг, азизлигингиз Исломга амал қилишингиздадир. Сизларга нусрат Аллоҳ таолога қурбат ҳосил қилганингизда келади. Бирорта хатони кичик санаманглар! Душманга ишонманглар!
Султон Абдулҳамид II раҳимаҳуллоҳнинг васиятидан
*****
Ҳеч қачон илм олаётган кишидан қўрқмадим. Аммо баъзи китобларни ўқиб олиб, ўзларини олим деб ҳисоблайдиган анави аҳмоқлардан йироқ юраман.
Султон Абдулҳамид II раҳимаҳуллоҳ
*****
Кучли – бошқанинг устидан ҳукм қилган кимса.
Буюк – ўз нафсининг устидан ҳукм қилган киши.
“Тарих муҳрлаган сўзлар”
*****
Инсонларнинг қандайлигини мусофирликда ёки мусибат келган пайтда биласан.
Абдурроҳман Мунийф
*****
“Мени фалончи юборди” деган сўз 10 йиллик тажриба ва 5 та дипломга тенг бўлиб қолди.
“Тарих муҳрлаган сўзлар”
*****
Кўп душманларга йўлиқдим. Лекин уларнинг ичидаги энг ёмони ўзларини менинг дўстим эканини даъво қилувчилардир.
“Тарих муҳрлаган сўзлар”
*****
Оғриқ қолдирувчи воситалар – кўп юриш ва инсонни хурсанд қиладиган ишлар билан машғул бўлишдир.
Абу Али ибн Сино
*****
Чин муҳаббат – собит турганидир.
Кетадиган муҳаббат муҳаббат эмас.
Ўзгарадиган муҳаббат муҳаббат эмас.
“Тарих муҳрлаган сўзлар”
Интернет материалларидан тўплаб, таржима қилувчи
Нозимжон Иминжонов
Бугун Урганч шаҳар бош имом-хатиби Ҳасанбой домла Кенжаев бошчилигида Гурлан туманидаги “Усмон Саид бобо” жоме масжидида маънавий-маърифий йиғилиш ўтказилди.
Унда имом-хатиблар, вакиллик ходимлари, туман бош имом-хатиблари ва отинойилари, шунингдек, “Ҳаж – 2024” зиёратчилари, маҳалла раислари иштирок этди.
Сўнгра ҳудуддаги оилаларга кирилиб, эҳтиёжманд, боқувчисини йўқотган, кам таъминланган, ногиронлиги бор оилалар ҳолидан хабар олинди. Айрим сабабларга кўра аразлашиб қолган оилалар имомлар, ҳожиларнинг ҳаёт тажрибасидан келиб чиққан гапларидан таъсирланиб, ярашиб олдилар.
Шунингдек, адашиб ақидаси бузуқ кимсалар тузоғига тушиб қолган фуқаролар билан ҳам суҳбатлар ўтказилиб, уларга исломнинг соф таълимоти ҳақида маълумотлар берилди.
Бундай хайрли ишлар, яъни халққа хизмат қилиб, одамларни рози қилиш, Ҳақнинг розилигига сабаб бўлади, иншоаллоҳ.
Сўнгра имомларнинг йўналишга доир амалга оширган ишлари кўриб чиқилди.
Хайрли дуолар билан ташриф ўз ниҳоясига етди.
Ўзбекистон мусулмонлари идораси
Хоразм вилояти вакиллиги
Матбуот хизмати