15 Январ, 2025, 15 Ражаб, 1446
15 Январ, 2025, 15 Ражаб, 1446
АҚШнинг Огайо штатидаги масжидларда жорий йилнинг 16 декабрь куни "Очиқ масжидлар куни" ташкил этилди. Бу ҳақда International Quran News Agency хабар берди.
Огайодаги Марказий Огайо масжидида ҳам ушбу тадбир кенг миқёсда ташкил этилди. Ушбу тадбир Огайо штатида тарихида илк бор ўтказилаётгани қайд этилган. Лойиҳадан кўзланган мақсад мусулмонларга нисбатан жамоатчиликда шаклланган фикрни ўзгартириш экани таъкидланган. Штат аҳолиси эътиқодлараро ҳамкорлик масаласида қилинган ушбу ғояни қўллаб-қувватлашган.
Ташриф буюрганлар енгил таомлардан истеъмол қилишлари, мусулмонлар ҳаёти билан танишишлари ва Ислом дини ҳақида маълумот олишларига имконият яратилган. CAIR-Columbus ташкилоти ушбу тадбирни ташкил этишда бош-қош бўлиши қайд этилган.
Маълумот учун, CAIR ташкилоти АҚШдаги йирик мусулмонлар фуқаролик ҳуқуқлари учун курашувчи ташкилот бўлиб, Огайонинг Колумбус, Клевленд ва Синсинатти шаҳарларида ўзининг тармоқларига эга.
Ўзбекистон мусулмонлари идораси Матбуот хизмати
Мизоб - Каъба томида ўрнатилган, Хатим устидаги тарновнинг номи.
У Каъбанинг Ироқ ва Сурия бурчаклари орасида ўрнатилган бўлиб, ёмғир ёққанда, том ювилганда сувни оқизиб юборади. 1627 йил ёмғирлар натижасида Каъба деворларига шикаст етади. Уни қайта тиклаш жараёнида тарнов ўрнатилади. Расулуллоҳ соллаллоҳу алайҳи васаллам тарнов жойлашган томонда туриб дуо қилганлар.
1. Дастлаб бу каби тарнов шакли Қурайшликлар Каъба устига том ўрнатишгандан сунг пайдо булган. Унгача Каъба 4 девордан иборат эди.
2. Тарновнинг бошланишига «Бисмиллаҳир Роҳманир Роҳийм» ва чап томонига «Ё Аллох» деб ёзилган.
3. Тарнов қушлар қўнмаслиги учун уткир тиканлар билан қопланган.
4. Дастлаб у ёғоч, кумуш ва пўлатдан қилинган. Тарновни илк бор 1573 йили соф олтиндан ишланган.
5. Узунлиги – 2,53 м, кенглиги – 26 см ни ташкил қилади.
Салафлардан келган хабарларда "Хатимда, мизоб остида дуолар мустажобдир", дейилган.
ЎМИ Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа