Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Қум устига қурилган нарса ё бугун ёки эртага қулайди.
“Тарих муҳрлаган сўзлар”
*****
Мунофиқ кимса сизни баланд овозда мақтайди-да, жим туриб хиёнат қилади.
“Тарих муҳрлаган сўзлар”
*****
Ҳаётдаги энг хатарли инсон – ёлғончидир!
“Тарих муҳрлаган сўзлар”
*****
Яхши ном қолдиришга эътиборли бўл. Чунки сендан кейин ҳам узоқ вақт яшайдиган нарсанг – яхши номингдир.
“Тарих муҳрлаган сўзлар”
*****
Агар мени яхши танимасанг ҳам мен ҳақимда яхши гумон қилиб, ҳурматимни жойига қўявер.
Нажиб Маҳфуз
*****
Бир шахс сенинг қалбингни синдирди, ишонган дўстинг ишончингни оқламади, мансабдор кимса сенга зулм қилди, сенинг муваффақият йўлинг худди шу жойдан бошланади. Энди сен одамлардан умидингни узасан-да, Аллоҳ таолонинг ўзига юзланасан, Ундан ёрдам сўрайсан. У эса сени бошқалардан беҳожат қилиб қўяди.
“Тарих муҳрлаган сўзлар”
*****
Ҳақиқий дўст – битта шодлик ва битта маҳзунликни икки қалб кўтариб юради деганидир.
“Ҳикматлар”
*****
(Дўстимиз бизни ташлаб кетганда) биз дўстларни йўқотмаймиз, балки ҳақиқий дўст ким эканлигини билиб оламиз.
“Ҳикматлар”
Интернет материалларидан тўплаб, таржима қилувчи
Нозимжон Иминжонов
Бисмиллаҳир Роҳманир Роҳийм
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
У Ҳажарул асвад рукни билан Каъба эшиги оралиғи бўлиб, ўлчами икки метрдир.
Ибн Аббос розияллоҳу анҳумо: «Мултазам рукн билан эшик оралиғидадир», дедилар.
Мужоҳид: «Рукн билан эшик орасида мултазам бордир», дедилар.
Абдуллоҳ ибн Амр розияллоҳу анҳудан ривоят килинади:
«Бу зот тавоф қилиб, намоз ўқиб, кейин рукнни ўпиб, сўнгра тош билан эшик олдида тик туриб, икки қўл, чаккаларини кўкракларига ёпиштириб: «Мен Расулуллоҳ соллаллоҳу алайҳи васалламнинг мана шундай қилиб турганларини кўрдим», дедилар.
Абу Зубайр: «Абдуллоҳ ибн Умар, Ибн Аббос, Абдуллоҳ ибн Зубайр розияллоҳу анҳулар мултазамда туришганини кўрдим», дедилар.
Ибн Аббос розияллоҳу анҳумо: «Бирор киши қора тош билан Каъба эшиги олдида туриб Аллоҳга дуо қилса, барча яхши кўрган нарсаларининг ҳожати чиққанини кўради», дедилар.
Мужоҳид: «Рукн билан эшик орасидаги жой Мултазам деб номланади. Одамлар ўша ерда Аллоҳдан бирор нарса сўрашса ёки бирор нарсадан паноҳ тилашса, Аллоҳ уни уларга беради», дедилар.
Макка, Каъба, Замзам тарихи, ҳаж ва умра маносиклари» китобидан