30 Ноябр, 2024, 29 Жумадул аввал, 1446
30 Ноябр, 2024, 29 Жумадул аввал, 1446
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Киши Қуръонни холис Аллоҳнинг розилигини, карамли юзини истаб, қалбидан тиловат қилса, уни тинглаётганлар бу тиловатдан таъсирланадилар.
Шайх Абдулбосит Абдуссамад раҳимаҳуллоҳ
*****
Донишманд қўли билан Ойга ишора қилганда, жоҳил бармоққа қарайди.
“Тарих мухрлаган сўзлар”
*****
Заковатли, ақлли инсонларни раҳбар қилиб тайинлансаю, уларга қиладиган ишларини биз ёзиб берсак, бу мантиқсизликдир. Биз уларни бизга нима иш қилишимизни айтиб, йўл-йўриқ кўрсатиб туришлари учун раҳбарликка тайинлаганмиз.
“Тарих мухрлаган сўзлар”
*****
Жоҳиллар ва аҳмоқлар ўзлари тушуна олмаган нарсаларнинг устидан куладилар.
Пифагор
*****
Тўқнашувлар икки хил бўлади:
Аббос Маҳмуд Аққод
*****
Агар бир лаҳзалик ғазабингни боса олсанг, ўзингни юз кунлик надоматдан қутқарган бўласан.
“Тарих мухрлаган сўзлар”
*****
Ҳаётдаги муваффақиятсизлик сабабларидан бири – ҳамманинг диққат марказидаман, ҳамма мен билан оввора деб ўйлашингдир. Унутма, кўпчиликка сенинг қизиғинг йўқ.
“Тарих мухрлаган сўзлар”
*****
Яхши инсон бўлганинг учун ҳаммадан сенга адолат ила муомала қилишини кутишинг худди “Гўшт емайдиган вегетариан бўлганим учун ҳўкиз менга ҳужум қилмайди” деб ўйлашингга ўхшайди.
“Тарих мухрлаган сўзлар”
*****
Ҳар куни тонгда асло ғазабланмайман деб қарор қиламан. Кунимни бир муддат тинч ўтказаман. Кейин баъзи аҳмоқларга йўлиқиб қоламан. Улар эса менинг қароримни амри маҳол ишга айлантириб ташлашади.
“Тарих мухрлаган сўзлар”
*****
Ёлғонни фош этишнинг энг афзал қурилмаси – кунлардир.
“Тарих мухрлаган сўзлар”
*****
Муваффақиятли бўлмоқчи бўлсанг, битта қоидани ҳурмат қилишинг керак. Бу қоида: ЎЗИНГНИ АЛДАМА!
“Тарих мухрлаган сўзлар”
*****
Хатоларнинг энг оғири – ўзингни хатолардан пок деб билмоғингдир.
Томас Карлайл
*****
Интернет материалларидан тўплаб, таржима қилувчи
Нозимжон Иминжонов
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Баъзи одамлар «Аллоҳнинг бирор валийси бизга назар солса, кўнглига яқин тутса, нуридан берса ва бунинг натижасида гуноҳлардан холос бўлсак», деб ўйлайди. Ёдда тутинг, бу иш ҳеч қачон бўлмайди! Ким шундай хаёл қилса, у алдовдадир. Агар шундай бўлганда эди, дунёда битта ҳам кофир қолмаган бўларди.
Мавлоно Ашраф Али Таҳонавий қоддасаллоҳу сирроҳнинг ҳузурларига бир куни бир жаноб келиб: «Ҳазрат! Бироз насиҳат қилинг», деди.
Ҳазрат насиҳат қилдилар. Кейин у жаноб жўнаб кетаётиб «Ҳазрат, менга сиз ўзингизнинг кўксингиздан бирор нарса беринг», дея ўтина бошлади. Яъни, кўксингиздан бирор нур чиқиб, бизнинг кўксимизга кирса ва натижада ишларимиз ўнгидан келса, гуноҳлар хоҳиши тугаб кетса, демоқчи эди.
Шунда ҳазрат: «Кўксимдан нима берайин? Менинг кўксимда балғам бор. Керак бўлса олиб қол», деб жавоб бердилар.
Бирор улуғ зотнинг назари тушса ёки кўксидан бирор нарса ўтса, барча ёмонликлар бартараф бўлади, деган ўй бекордир. Албатта, Аллоҳ таоло улуғ зотларнинг суҳбатини таъсирли қилиб қўйган, у орқали инсоннинг ўй-фикри ўзгаради. Бунинг натижасида тўғри йўлда юради. Лекин ишни айнан ўзи ўз хоҳиши ила қилиши шарт.
«Насиҳатлар гулдастаси» китобидан
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 