10 Май, 2025, 12 Зулқаъда, 1446
10 Май, 2025, 12 Зулқаъда, 1446
Саудия Aрабистони ҳукумати Ҳаж амалини бажарган ҳожиларга икки миллион нусхадаги Қуръон китобларини совға қилди
IQNA сайтининг "Sayidatiy" матбуот хизматига таяниб маълум қилишича, ушбу Қуръон китоблари Саудия Aрабистони подшоҳи Салмон бин Aбдулазиз Ол Сауднинг буйруғини бажариш учун Саудия Aрабистони Ислом ишлари вазирлиги саъйи-ҳаракатлари билан зиёратчиларга тарқатилган.
Ушбу Қуръон нусхалари Саудия Aрабистони Қироли Фаҳд бин Aбдулазиз номидаги Қуръон китобларини чоп этиш мажмуасидан олинган бўлиб, зиёратчиларга турли ўлчамларда ва 76 дан ортиқ тилларга таржима қилинган Қурони каримнинг маънолари таржимаси китоблари совға сифатида тақдим этилди.
Қирол Aбдулазиз халқаро аэропорти, Исломий Жидда порти, қуруқлик ва ҳаво чегараси ўтиш жойлари бу Қуръон тарқатиладиган жойлардандир.
Саудия Aрабистони Ислом ишлари вазири Aбдул Латиф бин Aбдулазиз аш-Шайх шу муносабат билан бундай деди: “Ушбу Қуръон китобларининг тарқатилиши Саудия Aрабистони ҳукумати ва бу мамлакат подшоҳининг Қуръон хизматига содиқлигини кўрсатади".
Ўзбекистон мусулмонлари идораси
Матбуот хизмати
Жорий йилнинг 6 май куни Мир Араб ўрта махсус ислом таълим муассасасида навбатдаги маърифий учрашув ташкил этилди.
Унда Дин ишлари бўйича қўмита раисининг биринчи ўринбосари Д.Махсудов томонидан муассаса ўқитувчилари, ходимлари ҳамда талабаларига "Фуқароларнинг виждон эркинлигини таъмилаш ва диний соҳадаги давлат сиёсати Концепцияси"нинг мазмун-моҳиятини ифода этувчи махсус курс машғулоти ўтиб берилди.
Тадбир давомида Концепцияда мустаҳкамланган виждон эркинлиги тамойиллари, диний эътиқод эркинлигини таъминлашга қаратилган қонунчилик асослари ва фуқароларнинг ҳуқуқий маданиятини ошириш масалалари кенг ёритилди. Диний-маърифий соҳадаги давлат сиёсатининг асосий йўналишлари, амалга оширилаётган ислоҳотлар ҳақида батафсил маълумотлар берилди.
Манба: Дин ишлари бўйича қўмита Ахборот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа