Жорий йилнинг 5 сентябрь куни Ўзбекистон мусулмонлари идораси тасарруфидаги Тошкент ислом институти ва ўрта махсус ислом билим юртларида янги 2018–2019 ўқув йили бошланди.

Янги ўқув йилининг биринчи дарси Ўзбекистон Республикасининг истиқлолига бағишланган “Мустақиллик дарси” билан бошланди. Мустақиллик дарсида мамлакатимизнинг истиқлолга эришиш жараёнлари, мастабид тузумдан мустақилликка эришиш даври, бунда халқимизнинг жасорати ва матонати ҳақида сўз юритилди. Юртимизни собиқ мустабид тузум қарамлигидан озод қилиб, уни замонавий асосда тараққий эттириш стратегиясининг аҳамияти ва роли ҳақида сўзланди.

Халқимиз ўзининг мустақиллик йилларида эришган барча ютуқ ва марралари халқимиз матонатининг хизмати юқори эканини таъкидладилар.

Мухтасар қилиб айтганда, Ўзбек давлати ва давлатчилигини барпо қилиш, демократик фуқаролик жамияти қуриш асосларини яратиш, мамлакатимиз тараққиётининг асосий йўналишларини ишлаб чиқиш, юртимизнинг ёруғ истиқболи йўлида кўпмиллатли халқимизни бирлаштириш, уни улуғ мақсадлар сари бошлаб бориш ҳақида тўхталиб ўтилди. Бундан ташқари, ташриф буюрган меҳмонлар бугунги кунда юртимизда ҳукм сураётган тинчлик-хотиржамликни қадрига етиш, янги ўқув йилида янги марраларга эришиш, илм олишда шижоат билан ҳаракат қилиш лозимлиги ҳақида сўзлаб, панд-насиҳатлар қилдилар.

Шундан сўнг, Қуръони карим тиловати ҳамда дуои фотиҳа қилинди.

ЎМИ Матбуот хизмати