27 Сентябр, 2024, 24 Рабиъул аввал, 1446
27 Сентябр, 2024, 24 Рабиъул аввал, 1446
Яқин кунларда Одессада иш бошлайдиган мусулмонларнинг икки янги масжидларидан бири Балкобская кўчасида, собиқ болалар боғчасининг биноси ўрнида қурилади. Бу маскандан 1994 йилдан буён намозхона сифатида фойдаланилган. Бу ҳақда Islam-today интернет нашри хабар берди.
Хабарда масжид классик усулда қурилиши айтилган. Гумбазнинг баландлиги 28 метр, асосий миноранинг узунлиги эса 22 метр бўлиши айтилган. Бу Одессадаги илк минорали масжид бўлиши алоҳида қайд этилган.
Бинонинг қурилиш муддати ҳали маълум қилинмаган.
Қуриб битказилган яна бир масжид денгиз бўйида жойлашган Катта Фонтан ҳудудида ўз фаолиятини бошлайди. Шу тарзда Одессадаги масжидлар сони бештага етиши маълум қилинган.
Маълумот учун, Украинанинг Одесса шаҳри Қора денгиз бўйида жойлашган шаҳар бўлиб, унинг денгиз қирғоғига туташ ҳудудлари Кичик, Ўрта ва Катта Фонтан номлари билан аталади. Фонталами сўзидан келиб чиққан фонтан сўзи ичимлик суви манбасини англатади.
ЎМИ Матбуот хизмати
Шу кунларда Иордания пойтахти Амман шаҳрида Иордания вақф ва ислом муқаддасотлари ишлари вазирлиги томонидан Ислом дини тинчлик, бағрикенглик, мўътадиллик экани ва уни ҳар қандай зўравонлик, куч ишлатиш, тоқатсизлик кабиларга қарши эканини ўз ичига олувчи «Амман рисоласи» нинг моҳиятига бағишланган 45 илмий-амалий семинар бўлиб ўтмоқда.
Анжуманда Иордания вақф вазири Холилий, Иорданиядаги Қирол Абдуллоҳ II номидаги даъватчилар тайёрлаш, малакасини ошириш институти ректори доктор Абдуссатор, Иордания бош муфтийси Аҳмад Ҳасанот, Иордания қироллик ҳузуридаги Қуддус ишлари қўмитаси аъзоси доктор Муҳаммад Сидр ва бошқалар қаторида Ўзбекистон мусулмонлари идораси Фатво маркази бош мутахассиси Саййиджамол домла Масайитов ўз маъруза ва суҳбатлари билан иштирок этмоқда.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 