30 Апрел, 2025, 2 Зулқаъда, 1446
30 Апрел, 2025, 2 Зулқаъда, 1446
Аллоҳ таоло Қуръони Каримда шундай деган:
وَالْأَرْضَ بَعْدَ ذَلِكَ دَحَاهَا
“Ва ундан сўнг ерни тухум шаклида қилди” (Наазиат сураси, 30-оят).
“Тухум шаклида қилди” деб таржима қилинган феъл оятда دَحَا (даҳа) кўринишида келган. Бу сўз “туяқуш тухуми шаклида” маъносини англатади.
Туяқуш йилига 30 тадан 50 тагача тухум туғади. Тухумининг вазни 1 ярим килограмгача етади.
Ер шари айнан туяқуш тухуми кўринишидадир. Товуқ тухуми кўринишида эмас.
Бундан 14 аср олдин, ўқиш-ёзишни ўрганмаган Муҳаммад соллаллоҳу алайҳи васаллам Ернинг туяқуш тухуми шаклида бироз чўзинчоқ кўринишда (юмалоқ ҳам, чўзинчоқ ҳам эмас, балки, шунинг ўртасидаги кўринишда) яратилганини қаердан билиб айтдилар экан?! Албатта, бу хабарни у кишига барча нарсани яратган Аллоҳ таоло билдиргандир!
Расмларда: туяқуш тухуми (товуқ тухуми билан солиштирилган, уларнинг доирасига эътибор беринг, товуқники чўзинчоқроқ, туяқушники доирасимонроқ), чапда Ернинг океанли расми, ўнгда Ернинг океансиз кўриниши.
Интернет материаллари асосида
Нозимжон Иминжонов тайёрлади
Ҳиро ғоридан тушиб, Макка томонга келаверишда мана шу (расмдаги) масжидга кўзингиз тушади.
Унинг номи "Масжидул Ижоба" бўлиб, Ҳиро ғори билан жуда яқин алоқаси бор. Пайғамбаримиз соллаллоҳу алайҳи васаллам 35 ёшларидан эътиборан тез-тез Ҳиро ғорида ёлғиз қолар, ҳатто баъзан бир неча кунлаб у ерда қолиб кетардилар. Шу аснода оналар онаси, нубувват хонадонининг султонларидан Хадийжа онамиз розияллоҳу анҳо гоҳ (дам) ўзлари Расулуллоҳ алайҳиссаломни кўргани келар, гоҳида эса қуллари Майсара билан озиқ-овқат жўнатардилар.
Пайғамбаримизни зиёрат қилишга ўзлари келганларида, Расулуллоҳ соллаллоҳу алайҳи васаллам Хадийжа онамизни тоғга чиқиб, ғоргача бориб чарчаб қолишларини истамасдилар. У зот алайҳиссалом узоқдан туриб, албатта бу ерлар ҳозиргидек эмас, ҳар ер очиқ эди, тоғни устидан ҳам паст жуда яхши кўринарди, елкаларида озиқ-овқат олиб келаётган Хадийжа онамизни кўрганларида, овозлари етадиган жойгача келиб, «Сен келма, ўзим бораман», деб шу масжид ўрнига келардилар. Ўша жойда Хадийжа онамиз розияллоҳу анҳо Расулуллоҳ соллаллоҳу алайҳи васаллам билан учрашишар, шу ерда ўтириб суҳбат қуришар, ҳаттоки бу суҳбатлар тонгга уланарди. Айнан шунинг учун мазкур хотирани абадийлаштириш мақсадида, кейинчалик масжид барпо қилинди.
Абдуллоҳ Раҳим
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа