260 000 нусхада Қуръон китоби чоп этилади
Бирлашган Aраб Aмирликларидаги икки маданият муассасаси Шайх Мактум Қуръони каримнинг 260 минг ададда чоп этиш ва нашр этиш бўйича келишувини эълон қилди.
“ИҚНA”нинг “Aл Баян” сайтига таяниб хабар беришича, “DUBAI” медиа компанияси ҳамда Дубайнинг Ислом ва хайрия ишлари департаменти Шайх Мактум бин Рошид Ол Мактум (БAA миллий Қуръони)нинг 260 минг нусхасини чоп этиш бўйича келишув имзолаган.
Марҳум Шайх Мактум ибн Рошид Ол Мактум Осимдан Ҳафс (Хафс аън Осим) ривоятидаги Қуръон янги шрифтда чоп этилади.
2002 йилдан бери мазкур Қуръони Каримнинг қарийб 3500 000 нусхаси маҳаллий, минтақавий ва халқаро миқёсда, шунингдек, Aфрикадаги барча муассасалар, Араб, Европа ва дунёнинг бошқа мамлакатларида мусулмон жамоаларига тарқатилган.
ЎМИ ходими И.Аҳмедов тайёрлади.
Сирдарёда имомлар ўртасида “Заковат” турнири ўтказилди
Ўзбекистон Республикаси давлат мустақиллигининг 35 йиллиги муносабати билан Сирдарё вилоятида фаолият юритаётган имом-хатиб ва имом-ноиблар ўртасида “Қуръон тинчликка буюради” шиори остида “Заковат” интеллектуал мусобақаси ўтказилди.
Беллашувдан кўзланган асосий мақсад — диний соҳа ходимларининг илмий-маърифий ва ҳуқуқий билимларини мустаҳкамлаш, улар ўртасида ўзаро ҳамжиҳатликни янада оширишдан иборат.
Мусобақада шаҳар ва туманлардан жамланган жамоалар Қуръони карим, ҳадиси шарифлар, ислом тарихи, миллий қадриятлар ва мамлакатимиз қонунчилигига оид саволлар бўйича ўз билим ва тезкор фикрлаш қобилиятларини намоён этдилар.
Якуний натижаларга кўра:
1-ўрин — “Тафаккур” жамоаси
2-ўрин — “Иттифоқ” жамоаси
3-ўрин — “Ҳикмат” жамоаси
Ғолиблар Ўзбекистон мусулмонлари идораси Сирдарё вилояти вакиллигининг махсус диплом ва эсдалик совғалари билан тақдирланди.
Сирдарё вилояти вакиллиги
Матбуот хизмати
