14 Август, 2025, 20 Сафар, 1447
14 Август, 2025, 20 Сафар, 1447
Тошкент шаҳар ҳокимлиги ташаббуси билан 2018 йилда Тошкент шаҳридан муборак ҳаж зиёратига борадиган фуқаролар билан йиғилишлар ўтказилмоқда. Мазкур йиғилишлар шаҳардаги туманлар кесимида ташкил қилиниб, унда Тошкент шаҳар Ҳаж ва Умра ҳайъати масъуллари, туман ҳокими ўринбосарлари, Дин ишлари бўйича қўмита ҳамда Ўзбекистон мусулмонлари идораси вакиллари қатнашмоқда.
Учрашувларда муборак зиёратнинг мазмун-моҳияти, сафарга бориш бўйича тартиб қоидалар тушунтирилиб, зарур тавсиялар берилмоқда. Хусусан, ҳаж мавсуми ёзнинг иссиқ кунларига тўғри келиши, мазкур сафарга ёши улуғ фуқароларимизнинг бориши қолаверса, аксарият зиёратчиларнинг илгари хорижга чиқмаганлигини инобатга олиб, ишчи гуруҳлари томонидан тўлиқ тушунтириш ишлари олиб борилмоқда.
Ушбу учрашувлар якунлангач, зиёратчилар гуруҳларга бўлиниб, уларга тайинланган гуруҳ раҳбарлари томонидан ҳам зарур тушунчалар бериш давом эттирилади.
Жорий йилда муборак ҳаж мавсуми тўлиқ август ойида ҳамда қисман сентябрь ойига тўғри келади.
Мақсуд Каримов тайёрлади
Пайариқ туманида вилоят ҳокимлиги ҳамда Ўзбекистон мусулмонлари идораси вилоят вакиллиги ташаббуси билан шаҳар ва туман имом-хатиблари, иқтидорли имомлар ҳамда 65 нафар ҳожилар иштирокида маънавий-маърифий тадбир бўлиб ўтди. Унда халқ билан, кенг жамоатчилик билан яқин мулоқотни йўлга қўйиш ва юзага келаётган муаммоларни ҳал этиш юзасидан фикрлар билдирилди. Бу бўйича қилиниши лозим бўлган вазифалар белгилаб олинди.
Тадбир давомида йиғилиш қатнашчилари ҳудуддаги ижтимоий аҳволи оғир, бемор ва ногиронлиги бор оилалар яшайдиган хонадонларга боришди. Уларни қийнаётган муаммолар ўрганилди. “Вақф” хайрия жамоат фондининг Самарқанд вилояти филиали томонидан 50 та ногирони бор ана шундай оилаларга озиқ-овқат маҳсулотлари тарқатилди.
Шунингдек, вилоятда диний-маънавий муҳитни соғломлаштириш йўлида фаол иштирок этиб келаёган беш нафар амалиётчи моддий жиҳатдан рағбатлантирилди.
Vaqf.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 