Рамазонда умра зиёратчиларига қулайлик
Саудия Арабистони ҳукумати умра ибодатини осон ва қулай адо этишлари мақсадида рамазон ойининг бошидан охирига қадар тавоф майдонини фақат умра зиёратчилари учун хослашга кўрсатма берди. Маккаи мукаррама амири ва Ҳаж олий қўмитаси раиси Амир Холид ал-Файсал рамазонда ҳукумат режалари ва тайёргарлик ишларини ўрганишга бағишлаб ўтказилган Ҳаж олий қўмитаси йиғилишида шуни таъкидлади.
Унга кўра, тавоф майдонида умра зиёратчиларига шом намозидан сўнг таровеҳ намози тугагунга қадар умра тавофини қилишга рухсат этилади.
Шунингдек, мазкур кўрсатмага мувофиқ, намозхонлар Масжидул Ҳаромнинг ички хонақоҳлари, таъмирдан чиққан бинолар ва Ҳарами шарифнинг шимолий тарафдаги кенг майдонда таровеҳ намозини адо этадилар.
Халқаро алоқалар бўлими ходими
Илёсхон Аҳмедов тайёрлади.
Ким жума куни "Духон" сурасини ўқиса
Расулуллоҳ соллаллоҳу алайҳи васаллам: «Ким жума кечаси "Ҳо мим" – "Духон"ни қироат қилса, мағфират қилинади», дедилар.
Расулуллоҳ соллаллоҳу алайҳи васаллам айтдилар: «Ким жума кечаси "Ҳо мим" – "Духон" сурасини ўқиса, етмиш минг фаришта тонггача унинг ҳаққига истиғфор айтиб чиқади».
Расулуллоҳ соллаллоҳу алайҳи васаллам: «Ким жума кечаси ёки жума куни "Ҳо мим" – "Духон"ни қироат қилса, Аллоҳ унга жаннатда бир уй бино қилади», дедилар.