Сайт тест ҳолатида ишламоқда!
05 Август, 2025   |   11 Сафар, 1447
search icon
Aввалги сайт
O`Z РУ EN AR

Тошкент шаҳри
Бомдод
03:50
Қуёш
05:22
Пешин
12:34
Аср
17:29
Шом
19:39
Хуфтон
21:04
Bismillah
05 Август, 2025, 11 Сафар, 1447
Aввалги сайт
#search
 YouTube

Муаллифлар китобларни нега қўрқинчли номламоқда?

04.05.2018   3282   2 min.
Муаллифлар китобларни нега қўрқинчли номламоқда?
Бугун китоб дўконларида қора ва рангдор тусдаги, номи эса ташқи кўринишидан ҳам қўрқинчли китоблар тўлиб кетди.
Фарзанд дунёга келар экан, ота-она унга баркамол униб-ўссин, номига монанд атрофдагиларига яхшиликлар улашсин, дея нафис исмлар қўйишади. Ижодкорнинг ҳам бир асар яратишини худди ота-онага мезгаш мумкин. Билакс, бугун китоб дўконларида қора ва рангдор тусдаги, номи эса ташқи кўринишидан ҳам қўрқинчли китоблар тўлиб кетди. Шу ўринда бир савол туғилади. Нега ижодкорлар ўз “фарзанд”ларини қўрқинчли номламоқда? 
 
Масалан, Нуриддин Исмоиловнинг “Иблис салтанати”, “Мафия сардори”, Набижон Ҳошимовнинг “Ёввойи қиз”, Илҳом Зоирнинг “Ажал пирамидаси”, Баҳодир Худобергановнинг “Қўйнимдаги қотил”, Азамат Қоржововнинг “Марҳум келиннинг хиёнати”, “Зиндонбанд қиз ноласи”, “Қил устидаги тақдир”, “Гўр қизи” номли кўплаб асарларга дуч келамиз.

Китоб мутолаасига кенг эътибор берилаётган шароитда улар сони, тури ва хиллари ҳам кўпайиб кетди. Мана йигирма-ўттиз йилдирки, китобхонлар орасида детектив асарларни ўқиш авж олган. Аслида, китобнинг ёмони бўлмайди. Аммо руҳиятга, қалбга салбий таъсир этадиганлари учрайди.
 
Асар яхши бўлса, ҳеч қандай ялтироқ ва жимжимадор номсиз ҳам ўз ўқувчисини топади. Бугунги кунда детектив асарлар шиддат билан ўқувчилар орасида оммалашяпти. Аслида, ўқувчини мажбурлаб бўлса ҳам китоб ўқитиш савоб иш. Аммо бу хилдаги асарлар қай даражада китобхон салоҳияти ўсишида аҳамият касб этаяпти? Бадиий адабиёт бўстонига қанчалар фойдаси тегмоқда? Балки, фақат номигина уларнинг кўп ўқилиш рейтингини сақлаб тургандир. Қайдам, асрлар ўтиб ҳам сўзнинг сеҳри туфайли ўқувчилар қалбига йўл топиб борадими, йўқми буни вақт кўрсатади. Аммо китобни бу даражада қўрқинчли ва қўпол номламаслик керак назаримда. 
 
Тўғри, миллий достончилигимизда “Гўрўғли”, йигирманчи аср адабиётимизда эса “Даҳшат” ва “Жинлар базми” номли машҳур асарлар бор. Вақтлар ўтиб ҳам ушбулар бадиий дид ва савияси баландлиги туфайли адабиётимизда сақланиб, ўз ўқувчисини йўқотмади. Аммо бугун мўмай пул ишлаб олиш мақсадида чиқарилаётган айрим китобларни эртага китобхон ўқимаслиги ҳам мумкин. 
 
Унутмайлик, асрлар ўтса ҳам китоб инсонни маърифатга етаклайдиган ягона йўл бўлиб қолади.

Дилобар Аслиддин қизи, 
ЎзМУ магистранти.
 
 
Ўзбекистон янгиликлари
Бошқа мақолалар

Ушбу оятга қулоқ тутинг!

04.08.2025   1424   1 min.
Ушбу оятга қулоқ тутинг!

Сиз ҳеч қачон ютқазмайдиган, касодга учрамайдиган учта тижорий келишув ҳақида эшитганмисиз? Унда ушбу оятга қулоқ тутинг:

"Албатта, Аллоҳнинг Китобини тиловат қиладиганлар, 
- намозни тўкис адо этиб, 
- Биз уларга ризқ қилиб берган нарсалардан махфий ва ошкора нафақа қиладиганлар ҳаргиз касодга учрамайдиган тижоратдан умидвор бўлурлар" (Фотир сураси, 29-оят).

Изоҳ: "..ҳаргиз касодга учрамайдиган тижоратдан умидвор бўлурлар". Бу ушбу оятнинг асосий хулосасидир. Дунёдаги тижоратда фойда ҳам, зарар ҳам бўлиши мумкин. Лекин юқорида санаб ўтилган уч амални – Қуръон тиловати, намоз ва инфоқни – бажарган инсонлар Аллоҳ билан бўлган "тижорат"дан ҳеч қачон ютқазмайдилар. Бу тижоратнинг фойдаси бу дунёда ҳам, у дунёда ҳам бўлади. Бу дунёда қалб хотиржамлиги, барака, ҳаётда маъно топиш кабилар, у дунёда эса Аллоҳнинг розилиги, жаннат ва абадий саодатдир. Бу тижорат – ҳақиқий ва абадий муваффақиятдир.

Доктор Аҳмад Исо Маъсоравий