14 Январ, 2025, 14 Ражаб, 1446
14 Январ, 2025, 14 Ражаб, 1446
Маълумки, юртимизда ички ва ташқи туризм, хусусан зиёрат туризмини ривожлантиришга катта эътибор қаратилмоқда.
2016 йил 2 декабрдаги Ўзбекистон Республикаси Президентининг “Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида”ги ПФ-4861-сон фармони ва шунингдек, юртимизда туризм соҳасини ривожлантиришга қаратилган ислоҳотлар замирида Ўзбекистон мусулмонлари идораси ва унинг жойлардаги вакилликлари изчил саъй-ҳаракатларни олиб бормоқдалар.
2018 йил 20 март куни Самарқанд вилояти имом хатиблари азим Бухоро шаҳрига саёҳат уюштирдилар. Ўзбекистонда ички зиёрат туризмини ривожлантиришга ҳисса қўшиш, юртимиздаги табаррук масканларга имом хатибларнинг зиёратини уюштириш мақсадида ташкил этилган саёҳат Ўзбекистон мусулмонлари идораси ҳузуридаги Муқаддас қадамжоларни сақлаш ва обод этиш хайрия жамғармаси билан ҳамкорликда амалга оширилмоқда.
Имомлар транспорт, гидлик хизмати, тушлик ташкил этиш борасида жамғарма имтиёзларидан фйодаланмоқдалар.
Саёҳатга махсус ҳисобдан чиқарилган фуқаролар ҳам жалб қилинганлар.
Сафар тафсилотларини ёритиб борамиз.
ЎМИ Матбуот хизмати
Мақоланинг аудио шакли
Саҳобалар ичида энг зеҳни ўткири Абу Ҳурайра розияллоҳу анҳу айтадилар: “Кунлардан бирида бозорга бордим. Одамларнинг мол-дунё билан овора эканликларини кўриб уларга:
– Сиз бу ерда савдо-сотиқ билан машғулсиз, Расулуллоҳ соллаллоҳу алайҳи васалламнинг мерослари тарқатилаётганидан хабарингиз йўқми? – дедим. Савдогарлар қўлларидаги молларини ташлаб:
– Йўқ, қаерда? – деб ҳовлиқиб сўрадилар.
– Фалон масжидда, – деб жавоб бердим. Улар шошиб масжид томон югуриб кетишди.
Аммо бироздан сўнг қайтиб келиб:
– Нега бизни алдадингиз? Масжидда ҳеч қандай мерос тарқатилмаяпти-ку? –дейишди.
Мен:
– Қандай қилиб? Ахир масжидда кимларни кўрдингиз? – деб сўрадим.
Улар:
– Қуръон ўқиётган қориларни ва ҳадис ўрганаётган толиби илмларни, –дейишди.
– Ана шу Расулуллоҳ соллаллоҳу алайҳи васалламнинг меросларидир, – деб жавоб бердим.
“Ўзимдан сўнг сизга икки нарса қолдирдим, агар уларни маҳкам тутсангиз ҳаргиз адашмайсиз. Улар Аллоҳнинг китоби ва Пайғамбарнинг ҳадисидир”, деган севикли Пайғамбаримиз Муҳаммад соллаллоҳу алайҳи васалламга салавоту саломлар бўлсин”.
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа