Абдуллоҳ ибн Масъуднинг “қарғиши”
Абдуллоҳ ибн Масъуд розияллоҳу анҳу бозор-ўчар қилгани чиққан эди, пулини ўғирлатиб қўйди. Буни эшитган одамлар ўғрини қарғай бошлашди. Шунда ибн Масъуд уларни бу ишдан қайтарди ва дуо қилди:
– Эй Аллоҳ! Агар пулимни ўғирлаган одам муҳтожликдан олган бўлса, олганига барака бергин. Агар муҳтож бўлмай туриб олган бўлса, шу ўғирликни ҳаётидаги энг охиргиси қилгин!
“Қабасотун мин ҳаётир-Расул” китобидан
Шаҳобиддин ПАРПИЕВ
таржимаси
Ким жума куни "Духон" сурасини ўқиса
Расулуллоҳ соллаллоҳу алайҳи васаллам: «Ким жума кечаси "Ҳо мим" – "Духон"ни қироат қилса, мағфират қилинади», дедилар.
Расулуллоҳ соллаллоҳу алайҳи васаллам айтдилар: «Ким жума кечаси "Ҳо мим" – "Духон" сурасини ўқиса, етмиш минг фаришта тонггача унинг ҳаққига истиғфор айтиб чиқади».
Расулуллоҳ соллаллоҳу алайҳи васаллам: «Ким жума кечаси ёки жума куни "Ҳо мим" – "Духон"ни қироат қилса, Аллоҳ унга жаннатда бир уй бино қилади», дедилар.