2017 йил 27 декабр куни Ўзбекистон мусулмонлари идорасининг Самарқанд вилояти вакиллигида йил якунига бағишланган тадбир бўлиб ўтди.

Байрамона руҳда ташкил этилган тадбирда вакиллик раҳбарияти, ходимлари, устоз домлалар, шаҳар ва туман бош имомлари ҳамда йил давомида намуна кўрсатган имом хатиблар иштирок этдилар.

Дастлаб йил давомида олиб борилган ишлар бўйича ҳисобот ўқиб эшиттирилди. Жумладан, аҳоли билан олиб борилган ўрганиш ишлари, ҳал этилган қатор муаммолар, имом хатиблар салоҳиятини ошириш мақсадида ташкил этилган “маънавият соат”ларининг самаралари, ФҲДЁ бўлимларида ёш оила қурувчилар билан ўтказилиб келинаётган учрашувларнинг ижобий натижалари ва ушбу тажрибанинг Ўзбекистон мусулмонлари идораси томонидан эътироф этилганини таъкидланди, деб хабар беради вилоят бош имом хатиби Зайниддин домла Эшонқулов.

ЎМИ Матбуот хизмати