07 Январ, 2025, 7 Ражаб, 1446
07 Январ, 2025, 7 Ражаб, 1446
Аввалроқ, Ўзбекистон делегациясининг Малайзияда зиёрат туризми соҳасида ҳамкорликни ривожлантириш бўйича музокараларда иштирок этаётгани ҳақида маълумот берган эдик.
Делегациямиз аъзолари эндиликда Индонезия Республикасига ташриф буюрдилар. Ушбу мамлакатда ҳам зиёрат туризми соҳасида учрашувлар ташкил этилиши кўзда тутилган бўлиб, уларнинг дастлабкиси нақшбандия тариқати намоёндалари билан бўлиб ўтди.
Индонезиядаги нақшбандия тариқатининг холидия шохобчаси шайхи Ирфоий ва Қасрул Орифон мадрасаси устозлари билан Ўзбекистондаги 12 силсилатул алийя зиёратини ташкил қилиш бўйича келишиб олинди.
ЎМИ Матбуот хизмати
Савол: Биринчи ракат тугаб, саждадан иккинчи ракатга тураётганда бир-икки сония ўтириб, кейин туриш суннат деб эшитдим. Бу қанчалик тўғри?
Жавоб: Бисмиллаҳир Роҳманир Роҳийм. Буни фиқҳий китобларимизда "Жалсаи истироҳа" яъни, "ором олиб ўтириш" деб номланади. Бундан биринчи ва учинчи ракатлар охирида саждадан кейин қиёмга туришдан олдин бир оз ўтириб олиш тушунилади ва бу амал ҳанафий мазҳабида макруҳ амал саналади ("Ал-Лубоб шарҳул китоб").
Абу Ҳурайра розияллоҳу анҳудан Пайғамбаримиз алайҳиссалом намозда бевосита қадамларининг олд қисмига таянган ҳоллларида (яъни, ерга суянмай ва ўтирмаган ҳолда) туришлари ривоят қилган. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа