13 Май, 2025, 15 Зулқаъда, 1446
13 Май, 2025, 15 Зулқаъда, 1446
6 декабрь куни Афғонистон Ислом Республикаси Президенти Бухоронинг қадимий меъморий обидалари билан танишгани ҳақида маълум қилинди.
Хабарга кўра, Афғонистон Президенти Муҳаммад Ашраф Ғани бошчилигидаги делегация аъзолари куннинг иккинчи ярмида Бухоро шаҳрининг тарихий марказига ташриф буюрган.
Меҳмонлар кўҳна Арк қалъаси, Пойи Калон мажмуаси таркибига кирувчи Минораи Калон, Масжиди Калон ва Мир Араб мадрасаси ҳамда шаҳарнинг бошқа диққатга сазовор жойлари билан танишди.
Мажмуадаги 10 минг кишига мўлжалланган Масжиди Калон тарихий обидаси, унинг тарихи, бинонинг меъморий улуғворлиги, ибодат қилувчилар учун яратилган қулайликлар Афғонистон Президентини лол қолдириб, делегация аъзоларида катта таассурот уйғотган.
Афғонистон делегацияси аъзолари Когон тумани ҳудудида жойлашган буюк аждодимиз Баҳоуддин Нақшбанд ёдгорлик мажмуасида бўлиб, Нақшбандия тариқатининг йирик намояндаси қабрини зиёрат қилди. Қуръон тиловат қилинди.
Шунинг билан Афғонистон Ислом Республикаси Президенти Муҳаммад Ашраф Ғанининг мамлакатимизга ташрифи ниҳоясига етгани айтиб ўтилган.
Шу йил 3 май куни Ўзбекистон мусулмонлари идораси Наманган вилоят бош имом-хатиби Мусохон домла Аббосиддинов раислигида қурилиш-таъмирлаш ишлари олиб борилаётган масжидларнинг имом-хатиб ва мутаваллилари иштирокида йиғилиш ўтказилди.
Кўрилган масалалар масжидлардаги қурилиш-таъмирлаш ишлари шаҳарсозлик меъёрларига тўлиқ мувофиқ бўлиши ва қурилишга оид ҳужжатларни талабга мувофиқ юритиш ҳамда қурилишлар содда, оддий ва дабдабадан ҳоли бўлиши бўйича масъулларга зарурий тавсиялар берилди. Қурилиш-таъмирлаш ишларини сифати ва белгиланган вақтда якунлаш зарурлиги яна бир бор эслатилди.
Барча имом-хатиб ва ходимларга масжидлар ҳамда уларга олиб борувчи 100 метр масофадаги йўллардаги тозалаш ва ободонлаштириш ишлари доимий бўлиши, намозхонлар учун шароитларни янада қулай бўлиши алоҳида таъкидланди.
Шунингдек, таҳоратхоналардаги шароитларни замонавий талаб даражасига келтириш каби вазифалар юклатилди.
Ўзбекистон мусулмонлари идораси
Наманган вилояти вакиллиги
атбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа