22 Июл, 2025, 27 Муҳаррам, 1447
22 Июл, 2025, 27 Муҳаррам, 1447
Муборак Рамазон ойининг дастлабки 20 кунида Маккадаги Масжидул Ҳаромга 22 миллиондан ортиқ зиёратчилар ташриф буюрди, деб ёзади Islam News Al Arabiya телеканалига таяниб.
Икки Муқаддас Масжидлар Бош бошқармаси бошлиғи Шайх Aбдурраҳмон ас-Судайснинг сўзларига кўра, бундай кенг кўламли зиёратчилар оқимини кутиб олиш ва кузатиш мутахассислар томонидан олдиндан кўрилган юқори тайёргарлик туфайли амалга оширилди.
Тезкор режа доирасида 4000 нафар ишчи Масжидул Ҳаромни кунига 10 марта тозалаш ишларини олиб борди. Яна 70 нафар ишчи гуруҳи масжид ҳудудини кечаю кундуз антисептик моддалар билан дезинфекция қилди. Масжид атрофида ва унинг радиусида 8000 га яқин транспорт воситалари, жумладан 3000 та электр транспорт воситалари ҳаракатланди, 90 нафар муҳандис-техник ходимлар бинонинг 200 та эскалатори ва 14 та лифтининг ҳолатини яхшилаш бўйича иш олиб борди.
ЎМИ Матбуот хизмати
Абу Қатода розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг олдиларидан бир жаноза олиб ўтилди, шунда у зот алайҳиссалом: "Тин олувчи ва ундан тин олинувчи", дедилар.
"Ё Аллоҳнинг Расули, тин олувчи ва ундан тин олинувчи нима?" дейишди.
У зот алайҳиссалом: "Мўмин банда (вафот этса) дунёнинг қийинчиликларидан истироҳат олади. Фожир банда (ўлса) ундан бандалар, элу юртлар, дов-дарахтлар ва жонзотлар қутуладилар", дедилар» (Имом Бухорий ва имом Муслим ривояти).
Абдуллоҳ ибн Умар розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам: "Бирортангиз вафот этганида унга ўрни эртаю кеч кўрсатиб турилади: агар жаннат аҳлидан бўлса, жаннат аҳлидан экани, дўзах аҳлидан бўлса, дўзах аҳлидан экани. "Аллоҳ сени қиёмат куни қайта тирилтиргунича сенинг ўрнинг мана шудир", дейилади", дедилар» (Имом Бухорий ва имом Муслим ривоят қилишган).
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа