28 Декабр, 2024, 27 Жумадул сони, 1446
28 Декабр, 2024, 27 Жумадул сони, 1446
Бугунги кунда виртуал мулоқот воситаларида инсонларнинг бошқалар кўришини истамайдиган ҳолатда олинган тасодифий суратлари ва видеолавҳаларни ўзгаларга юбориш, ижтимоий тармоқлар орқали тарқатиш авж олди.
Шундай видеолавҳалардан бирида Чили пойтахти Сантьягода гаитилик муҳожир кўп қаватли бинонинг 9-қаватидан тушиб кетган аёлни қутқариб қолгани тасвирланган.
Лавҳада аёлнинг юқори қаватдаги хонадон айвони тўсиғига осилиб тургани акс этган. Аёл бу вазиятга қандай тушиб қолганини маълум эмас. Бироқ пастда одамлар тўпланиб, ушбу ҳолатни тасвирга олишни бошлаган.
Гаитилик Ричард Жозеф автобусдан тушганда аёлнинг осилиб турганига кўзи тушган вау ҳам аввалига телефонни олиб қолганлар каби воқеани суратга ола бошлаган. Бироқ кейин бундай қилиш яхши эмаслигини англаб аёлга қандай қилиб ёрдам бериши мумкинлигини ўйлаган.
Жозеф мушкул ҳолатда қолган аёл қаерга тушиши мумкинлигини чамалаб, ўша ерга қўлларини олдинга чўзганча туриб олган. Аёл юқоридан қулаганда Жозефнинг қўлига келиб тушган. Зарба кучидан уларнинг иккиси ҳам жароҳат олган, бироқ улар тирик қолган. Аёл оғир аҳволда шифохонага етказилган, Жозефнинг эса тиззаси, товони ва қўллари енгил шикастланган.
Ушбу воқеа “биров ўламан деса, биров куламан” деган нақлни эсга солади.
“Интернетдаги таҳдидлардан ҳимоя” номли асарда қайд этилишича, муқаддас ислом динида бировни ҳижолат қилиб, уялтириш ҳаром ҳисобланади. Ушбу лавҳани тарқатганларнинг айримлари эса воқеадан завқланади.
Турли нохуш воқеаларни тезлик билан тасвирга олиб, интернет орқали тарқатиш иштиёқи ёшларни ҳалокатга учраган кишиларга ёрдам бериш фазилатидан маҳрум этаётганга ўхшайди.
1. Диний соҳани танлашингизга нималар ва кимлар туртки берган?
– Диний соҳани танлашимга падари бузрукворим сабабчи бўлган. У киши бизга ёшлигимиздан қисқа сураларни ёдлаттирган. Туманимиздаги жоме масжидлар имомларига шогирд тушдим. Мактабни тугатгач, Имом Бухорий номидаги Тошкент ислом институтига ўқишга кирдим.
2. Бугунги имом қандай бўлиши керак?
– Бугунги имом илмли, одобли, муомалада, юриш-туришда барчага ибрат ва намуна бўлиши зарур. Ўз устида тинимсиз ишлаши керак. Шу билан бирга, юртимизда диний-маърифий ва бошқа соҳаларда амалга оширилаётган ислоҳотлардан хабардор ва бу хайрли ишларни халққа етказа оладиган бўлиши зарур.
3. Имом-хатиб одамлар орасида худди юздаги холдек бўлиши керак. Шундай эмасми?
– Бугун халқимиз маърифатини юксалтириш, бидъат-хурофотларга муросасиз бўлишда имомнинг ўрни алоҳида. Имомнинг сўзи ва амали уйғун, яъни айтганига ўзи амал қиладиган бўлиши керак. Шундагина у одамлар орасида худди юздаги холдек бўлади.
4. Бугун жамиятимизда сизни қайси жиҳатлар қувонтиради ва ташвишга солади?
– Юртимизда диний-маърифий соҳада амалга оширилаётган хайрли ишлар барча қатори мени ҳам қувонтиради. Айниқса, Қуръон ва тажвидни ўргатиш курслари фаолияти йўлга қўйилгани таҳсинга сазовор.
Айрим ёшларнинг билиб-билмай ақидаси бузуқ турли ғаламислар тузоғига тушиб қолаётгани дилни хуфтон қилади.
5. Энг кўп ўқийдиган китобларингиз? Диний манбалардан ташқари қандай мавзулардаги китобларни мутолаа қиласиз?
– Шайх Муҳаммад Содиқ Муҳаммад Юсуф раҳимаҳуллоҳнинг “Тафсири Ҳилол”, “Ҳадис ва ҳаёт”, “Руҳий тарбия” асарларини қўлдан қўймай мутолаа қиламан. Алихонтўра Соғунийнинг “Туркистон қайғуси” китоби, жадидчи боболаримизнинг асарлари мени мафтун этган.
6. Танлаган касбингиздан кўнглингиз тўлмаган пайтлар ҳам бўлганми?
– Касбим – фахрим. Расулуллоҳ соллаллоҳу алайҳи ва салламнинг меросларини имкон қадар халққа етказаётганимдан беҳад бахтиёрман, алҳамдулиллаҳ.
Маълумот ўрнида, Шокирхон Имомиддинов 1979 йилда Тошкент вилояти Қуйи Чирчиқ туманида туғилган. 1997–2001 йилларда Имом Бухорий номидаги Тошкент ислом институтида таълим олган. 2001 йилдан бери Қуйи Чирчиқ тумани “Олмазор” жоме масжидида имом-хатиб ҳамда 2019 йилдан буён мазкур туман бош имоми бўлиб ишлаб келмоқда.
"Hidoyat" журналининг 8-сонидан олинган
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа