20 Октябр, 2026, 9 Жумадул аввал, 1448
20 Октябр, 2026, 9 Жумадул аввал, 1448
1944 йили Фарғона туманида туғилган. Ўрта мактабни битирганидан сўнг ҳарбий хизматга чақирилди. Кейин Олтиариқ тумани, Марғилон шаҳридаги турли идораларда хизмат қилди. 1975–79-йиллари Имом Бухорий номидаги Тошкент Ислом олий маъҳадида таҳсил олди. Олий маъҳадни битиргач, “Совет Шарқи мусулмонлари” журнали таҳририятида масъул котиб бўлди. 1980–81-йиллари Судан Республикаси Ислом университетида таҳсилни давом эттирди. 1982–2006 йиллари диний идора Фатво бўлими мудири, Абу Райҳон Беруний номидаги Шарқшунослик институтида илмий ходим, “Мовароуннаҳр” нашриёти мудири, Вазирлар Маҳкамаси ҳузуридаги Дин ишлари бўйича қўмита бўлим бошлиғи, Ўзбекистон Республикаси Президентининг давлат маслаҳатчиси, Тошкент Ислом университети проректори каби масъул лавозимларда хизмат қилди. 2006 йилдан буён Ўзбекистон мусулмонлари идораси раисининг ўринбосаридир.
Шайх Абдулазиз Мансур амалга оширган “Қуръони карим маъноларининг таржима ва тафсири” қайта-қайта нашр қилинди. Устоз “Саҳиҳи Бухорий”ни таржима ва шарҳ қилиб, икки жилдда нашр эттирган. Шайх Абдулазиз Мансур Ўзбекистон мусулмонлари идораси ҳузурида тузилган диний адабиётлар нашри бўйича махсус ҳайъат раисидир.
Шайх Абдулазиз Мансур Халқаро Ислом фиқҳи академияси, Мусулмон олимлари олий ҳайъати аъзоси. Кўплаб мақолалар, китоблар муаллифидир.
Шу кунларда Индонезия пойтахти Жакарта шаҳрида дунёнинг турли чеккаларидан келган етук уламолар ва йирик масжидлар имомлари иштирокида халқаро конференция (International Grand Imams Conference — IGIC 2026) бўлиб ўтмоқда.
Ушбу нуфузли халқаро анжуманда Имом Бухорий номидаги Тошкент ислом институти «Ҳадис ва Ислом тарихи фанлари» кафедраси доценти вазифасини бажарувчи, Тошкент шаҳридаги Минор жоме масжиди имом-хатиби Раҳматуллоҳ домла Термизий юртимиз номидан иштирок этмоқда.
Индонезия Республикаси Дин ишлари вазири, профессор, доктор Насаруддин Умар жанобларининг махсус таклифига биноан ташкил этилган мазкур сафар доирасида юртимиз вакили ўзининг илмий маърузаси билан чиқиш қилди.
Жорий йилнинг 25–28 сентябрь кунларига мўлжалланган мазкур йирик анжуман бугунги куннинг энг долзарб масалаларидан бири — «Масжидлар ҳамжиҳатлиги, диний дипломатия ва глобал тинчлик» (Masjid Harmony, Religious Diplomacy and Global Peace) мавзусига бағишланган.
Тадбир мусулмон уммати ўртасидаги бирдамликни мустаҳкамлаш, халқаро майдонда тинчлик, дипломатия ва бағрикенглик ғояларини кенг тарғиб қилишда диний пешволарнинг ўрнини оширишга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа