27 Ноябр, 2024, 26 Жумадул аввал, 1446
27 Ноябр, 2024, 26 Жумадул аввал, 1446
Бўлим мудири: Абдуманнон Усмонов
|
Қабул вақтлари |
Душанбадан Жумагача |
|
Телефон рақами |
+99871 150-64-15 |
|
Электрон почта |
umi_xodimlarbulimi@mail.ru |
Бўлим фаолияти:
Ходимлар бўлими идора раиси ва йўналиш бўйича раис ўринбосарига асосий ёрдамчи сифатида кадрлар иши ҳамда сиёсатини юритишга хизмат қилади;
Идорада меҳнат қонунчилигига риоя этилишини таъминлайди ва назорат қилади;
Ҳар йил бошида ходимларнинг янги штат жадвалини тузилишини таъминлайди;
Идоранинг ходимлар таркибини штат жадвалига мувофиқ малакали ходимлар билан тўлдириш юзасидан идора раҳбариятига таклифлар беради;
Ходимлар тўғрисида маълумотларни йиғиш, таҳлил қилиш ва баҳо бериш билан шуғулланишни таъминлайди;
Идора тизимидаги шахсий таркибга оид буйруқлар лойиҳасини тайёрлаш, ходимлар билан меҳнат шартномалари тузиш ва тасдиқдан ўтгач ижро учун тегишли бўлимларга тарқатилишини назорат қилади;
Идора ва унинг тизимидаги масжидлар, билим юртлари, “Мовароуннаҳр” нашриёти ҳамда худудий вакиллик ходимларининг меҳнат шартномалари ва уларга дахлдор йиғмажилдларнинг тўлиқ ва тўғри юритилишини таъминлайди;
Ходимларнинг йиллик меҳнат таътилига чиқиш графиги ишлаб чиқилиши, муддати келганда буйруқлар чиқарилиши ва уларнинг ижросини таъминлайди;
Ходимларнинг хизмат сафарларига оид буйруқлар лойиҳасини тайёрлашни ва тасдиқдан ўтгач тегишли ташкилий ишларни амалга оширилишини таъминлайди;
Идора “Жамоа шартномаси”да белгиланган моддий ёрдам ва рағбатлантиришларнинг амалга оширилишини таъминлайди;
Буйруқларнинг санаси, рақами ва мазмунининг электрон нусхасини компьютер хотирасига жойлаштиради;
Ходимларнинг вақтдан самарали фойдаланмаслик, меҳнат интизомини бузиш сабабларини аниқлайди ва тегишли чора кўриш юзасидан раҳбариятга билдиришномалар тақдим этади;
Ходимларнинг меҳнат интизомига риоя этишларини назорат қилиш ишларини ташкил этади;
Таълим ва кадрлар тайёрлаш ҳамда Масжидлар билан ишлаш бўлимлари билан ҳамкорликда диний таълим муассасалари битирувчиларининг иш тақсимоти ва уларни тақсимот бўйича жойларда фаолият олиб бораётганлиги ҳақидаги ҳисоботларни ўрганади ҳамда таҳлил қилади;
Таълим ва кадрлар тайёрлаш ҳамда Масжидлар билан ишлаш бўлимлари томонидан ишга қабул қилиш учун тақдим этилган номзодларнинг аризалари, ҳужжатларини ўрганади ва лозим бўлганда улар билан суҳбатлар ўтказади;
Ходимлар бўлимида сақланаётган меҳнат дафтарчалари, қўшимча варақалар, диплом нусхалари, ходимлар ҳисоби бўйича шахсий варақаларнинг қатъий ҳисобини юритиш ва ходимлар бўлимининг юмалоқ муҳри ва хатларни муҳрлаш учун мўлжалланган бурчак штампини дахлсизлигини таъминлайди;
Байрам, дам олиш кунлари ва бошқа фавқулотда вазиятларда масъул ходимларнинг навбатчилигини ташкил этади;
Идора ходимларини идоранинг хизмат гувоҳномалари билан таъминланишини назорат қилади;
Идора ходимларининг меҳнат муҳофазаси талабларига тўла риоя этишлари юзасидан чора-тадбирларни амалга оширилишини таъминлайди;
Идора ходимларининг ойлик иш табелини тузади;
Идоранинг архив ҳужжатлари билан ишлашини назорат қилади.
Тизимда ишлаётган ходимлар ҳақида сўралган жойларга маълумотномалар тақдим этади;
Бўлимга тегишли шикоят аризалари ва турли мавзулардаги хатларни ўрганади ҳамда жавоб берилишини таъминлайди;
Собиқ ходимларнинг шахсий ҳужжатлари сақланадиган йиғма жилдларни рўйхатга олиш, тартибга келтириш, сақлаш, уларни керакли янги ҳужжатлар билан тўлдирилишини таъминлайди;
Кадрлар заҳирасини аниқлаш ва шакллантириш масалаларини ҳал қилади;
Бўлимнинг йил давомида амалга оширган ишлари юзасидан ҳисобот тайёрланишини таъминлайди;
Меҳнат қонунчилигига асосан бўлим ўз ваколатига тааллуқли бошқа вазифаларни бажаради.
Идора иш режаси асосида ўзининг иш режасини ишлаб чиқади ва ижросини таъминлайди.
Бўлимда:
Қосимова Зарифа Маҳкамовна Ходимлар бўлими бош мутахассиси;
Юлдашев Шерзод Каримбек ўғли Ходимлар бўлими мутахассиси;
Хатамов Жаҳонгир Унгарович Ходимлар бўлими мутахассиси;
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳазрати Усмон розияллоҳу анҳу ўлдирилганларидан кейин мусулмонлар ҳазрати Алий розияллоҳу анҳуни ўзларига раҳбар қилиб сайладилар. У киши буни рад этдилар, лекин саҳобалар маҳкам туриб олишди. Улар ўзлари кириб қолган боши берк кўчадан чиқишлари учун Алий розияллоҳу анҳунинг раҳбарлиги зарурлигини яхши билишар эди. Мадинаи мунавварадаги аҳвол жуда ҳам оғирлашган, йўлдан озганлар ушбу шаҳарга эга чиқиб олишган эди. Ҳазрати Алий розияллоҳу анҳу ўзлари қизиқмасалар ҳам, халифаликни қабул қилиб олдилар.
Имом Табарий Муҳаммад ибн Ҳанафийядан ривоят қиладилар: «Усмон розияллоҳу анҳу ўлдирилганида, отам билан бирга уйда эдим. Расулуллоҳ соллаллоҳу алайҳи васалламнинг саҳобалари келиб, ҳазрати Алий розияллоҳу анҳуга: «Бу киши (яъни Усмон розияллоҳу анҳу) ўлдирилди. Одамларга имом (раҳбар) лозим. Бугунги кунда бу ишга сиздан кўра ҳақли одам йўқ. Сиздан аввал Исломга кирган ҳам, сиздан кўра Расулуллоҳ соллаллоҳу алайҳи васалламга яқин ҳам йўқ», дедилар.
Ҳазрати Алий: «Ундай қилманглар. Мен учун вазир бўлганим амир бўлганимдан яхшидир», деди.
Одамлар: «Аллоҳга қасамки, сизга байъат қилмасдан қўймаймиз», дейишди.
Ҳазрати Алий: «Ундай бўлса, масжидда. Менга байъат махфий бўлмаслиги, фақат мусулмонларнинг розилиги билан бўлиши керак», деди. У киши масжидга кирганида муҳожирлар кириб байъат қилишди. Сўнг бошқалар байъат қилишди».
Алий ибн Абу Толиб розияллоҳу анҳуга халифа сифатида ҳижрий 35 йил 25 зулҳижжа, жума куни байъат қилинди. Бу вақтда Ислом оламида фитна денгиз тўлқинидек мавж уриб турар эди.
Ҳазрати Алий розияллоҳу анҳу жуда ҳам қатъият ва жазм билан иш тутадиган, салобатли ва ҳақ йўлда шиддатли зот эдилар. У киши ўзларига байъат қилинганидан кейин дарҳол иккита фармон чиқардилар. Бу фармонларнинг иккови ҳам жуда қатъият билан чиқарилган фармонлар эди:
– Ҳазрати Усмон розияллоҳу анҳу қўйган айрим волийларни ишдан олиш. Уларнинг кўпчилиги Бану Умайядан эдилар.
Алий ибн Абу Толиб розияллоҳу анҳу қуйидаги волийларни тайин қилдилар:
Усмон ибн Ҳунайфни Басрага;
Умора ибн Шиҳобни Куфага;
Убайдуллоҳ ибн Масъудни Яманга;
Қайс ибн Саъд ибн Убодани Мисрга;
Саҳл ибн Ҳунайфни Шомга...
Тайин қилинган мазкур волийларнинг ишлари турлича бўлиб чиқди. Бундан ихтилоф кучайиб бораётгани кўринарди.
– Иккинчи фармон ҳазрати Усмон розияллоҳу анҳу ўз яқинларига Байтулмолдан берган совғалар ва суюрғолларни қайтариб олиш ҳақида эди.
У зотнинг бу тасарруфларидан сўнг Бану Умайя қабиласи аъзолари у кишига қарши бош кўтариб, байъат қилмасликка ўтишди. Бу ишнинг бошида Шомнинг волийси Муовия ибн Абу Суфён турар эди.
Муовия ибн Абу Суфён розияллоҳу анҳу ҳазрати Умар розияллоҳу анҳунинг давридан буён Шомнинг волийси бўлиб келар эди. У киши ўз ишини аъло даражада бажарар, ўз аҳолиси ичида жуда катта обрўга эга эди. Муовия ибн Абу Суфён розияллоҳу анҳуга ҳазрати Усмон ибн Аффон розияллоҳу анҳунинг ўлдирилганлари ва ҳазрати Алий ибн Абу Толиб розияллоҳу анҳунинг халифа бўлганлари ҳақидаги хабар етганда, у киши янги халифага байъат қилмади. Бунинг бир неча сабаби бор эди.
1. Муовия ибн Абу Суфён розияллоҳу анҳу ҳазрати Усмон ибн Аффон розияллоҳу анҳунинг ўлимларида ҳазрати Алий ибн Абу Толиб розияллоҳу анҳунинг ҳам айблари бор деб тушунар эди.
2. У киши Алий ибн Абу Толиб розияллоҳу анҳунинг лашкари ичида фитначиларнинг борлигини ҳам айб ҳисоблар эди.
3. Муовия ибн Абу Суфён розияллоҳу анҳу бу ишларни бир ёқлик қилиб, орани очиб олмай туриб тоатни вожиб қилувчи байъат қилишга қўл урмади.
Бошқа Ислом юртларининг барча аҳолиси ҳазрати Алий розияллоҳу анҳуга байъат қилдилар ва у ерларда иш ўз маромида кетди.
«Ислом тарихи» биринчи жузи асосида тайёрланди
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 